អ្នកស្លាប់ដោយសារគ្រោះរញ្ជួយដីនៅអ៊ីតាលីកើនឡើងដល់ ២៥០នាក់
សារព័ត៌មាន Cambodia News/
អ៊ីតាលី (២៦ សីហា ២០១៦) ៖ ចំនួនអ្នកស្លាប់ពីរញ្ជួយដីដ៏មានឥទ្ធិពលមួយ ក្នុងភាគកណ្ដាលប្រទេសអ៊ីតាលីបានឡើងដល់ 250នាក់កាលពីម្សិលមិញ។
ចំនួននេះអាចកើនឡើងបន្ថែមទៀត ទន្ទឹមនឹងក្រុមសង្គ្រោះកំពុងបន្តស្វែងរកឈាន ដល់ថ្ងៃទី២ ដើម្បីព្យាយាមស្វែងរកអ្នកនៅមានជីវិតក្រោមគំនរកម្ទេចថ្មទី ក្រុងបាក់រាបដល់ដី។ ក្រុមអ្នកសង្គ្រោះបន្ទាន់រាប់សិបនាក់ ជាមួយ សុនខស្រង់ក្លិនដើរលើគំនរថ្ម ដើម្បីស្វែងរកមនុស្សនៅកប់ក្រោមបំណែកថ្ម ខណៈដងម៉ាស៊ីនស្ទូចកាយកម្ទេចជញ្ជាំងថ្មធំៗបាក់ធ្លាក់។
ជនរងគ្រោះជិត 200នាក់បានស្លាប់ក្នុងទីក្រុង Amatrice ដែលល្បីល្បាញ សម្រាប់ អាហារផាស្តាក្នុងតំបន់ និងសំបូរដោយអ្នកលំហែកាយ មុនវិធីបុណ្យចំណីអាហារប្រចាំឆ្នាំលើកទី៥០ របស់ខ្លួន ដែលនឹងធ្វើឡើងនៅចុងសប្ដាហ៍នេះ។
អ្នកទេសចរ 15នាក់ត្រូវគេជឿថាត្រូវបានថ្មបាក់សង្កត់ នៅពេលសណ្ឋាគាររ៉ូម៉ារបស់ទីក្រុងនេះបាក់រលំ។
មុនពេលព្រះអាទិត្យរៀបលិចកាលពីល្ងាចម្សិលមិញបុគ្គលិកស្វែងរក និងសង្គ្រោះបន្ទាន់, មន្ត្រីយោធា និងកងកម្លាំងនគរបាលអាចត្រូវគេឃើញ កំពុងបន្តសហប្រតិបត្តិការណ៍ស្វែងរក និងសង្គ្រោះជិតកន្លែងខូចខាតនៃទីក្រុងអាម៉ាទ្រីស៕
