សម្ថកិច្ច ធ្វើការឡោមព័ទ្ធចាប់ខ្លួនក្រុមសង្ស័យជាចោរប្លន់ប្រដាប់អាវុធចំនួន ៥នាក់
Cambodia News
ភ្នំពេញ៖ កាលពីវេលាម៉ោង២៣និង៣០នាទីរហូតដល់ម៉ោង២៤ អាធ្រាត្រថ្ងៃទី២៥ ខែមិនា ជនសង្ស័យជាចោរប្រដាប់អាវុធចំនួន៥នាក់ ក្នុងនោះស្រីម្នាក់ ត្រូវបានសមត្ថកិច្ចនគរបាលព្រហ្មទណ្ឌក្រសួងមហាផ្ទៃ សហការជាមួយនគរបាលក្រុងភ្នំពេញធ្វើការឡោមព័ទ្ធចាប់ខ្លួនបាន នៅក្នុងភូមិសាស្ត្រសង្កាត់បឹងកក់ទី២ ខណ្ឌទួលគោក ។
ប្រតិបត្តិការខាងលើនេះ សមត្ថកិច្ចដកហូតបានអាវុធខ្លីK54មួយដើម ពីក្រុមចោរប្លន់ខាងលើ។ មុខសញ្ញាសង្ស័យថាជាចោរប្លន់ខាងលើនេះ មិនទាន់ត្រូវបានស្គាល់អត្តសញ្ញាណនៅឡើយទេ ដោយសារប្រតិបត្តិការភ្លាមៗ សមត្ថកិច្ចបានបញ្ជូនជនសង្ស័យទៅក្រសួងមហាផ្ទៃ ដើម្បីធ្វើការសួរនាំ។
ក្នុងប្រតិបត្តិការបង្ក្រាបចោរប្លន់ខាងលើនេះ ក្រុមជនសង្ស័យបានបាញ់តដៃជាមួយសមត្ថកិច្ចអស់ជាច្រើនគ្រាប់ ទាល់តែកាំភ្លើងរបស់គេគាំងគ្រាប់បាញ់លែងចេញ ទើបសមត្ថកិច្ចសំរុកឡោមព័ទ្ធចាប់ខ្លួនបានទាំង៥នាក់៕ ហេង នាង
