កែសន្លឹកកិច្ចការបេក្ខជនបាក់ឌុបមានការត្រួតពិនិត្យតឹងរឹង
សារព័ត៌មាន Cambodia News/
ភ្នំពេញ (២៩ សីហា ២០១៦) ៖ កាលព្រឹកថ្ងៃទី២៨ ខែសីហា ឆ្នាំ២០១៦ម្សិលមិញ ការកែសន្លឹកកិច្ចការបេក្ខជន ដោយ គណៈកម្មការកំណែទាំងអស់នៅតាមមណ្ឌលកំណែមុខវិជ្ជាទាំង១០បានចាប់ផ្តើមហើយ សំរាប់ការប្រឡងសញ្ញាបត្រមធ្យមសិក្សាទុតិយភូមិ សម្រាប់សម័យប្រឡង៖ ២២ សីហា ២០១៦។
ការត្រួតពិនិត្យការកែ សន្លឹកកិច្ចការបេក្ខជនដោយគណៈកម្មការកំណែមុខវិជ្ជាធ្វើឡើងតាមរយៈ កាមេរ៉ាសុវត្ថិភាពនៅក្នុងមណ្ឌលកំណែ ដែលស្ថិតក្នុងការត្រួតពិនិត្យជាប្រចាំពីមន្ត្រីនៃអង្គភាពប្រឆាំង អំពើពុករលួយនៅតាមមណ្ឌលកំណែនីមួយៗ។
ការចាប់ផ្តើមកំណែនេះ កើតឡើងបន្ទាប់ពីមានរៀបចំកិច្ចប្រជុំគណៈកម្មការបែងចែកសន្លឹក កិច្ចការបេក្ខជននៅតាមមណ្ឌលកំណែ នីមួយៗ នារសៀលថ្ងៃទី២៧ ខែសីហា ឆ្នាំ២០១៦ នៅតាមមណ្ឌលកំណែមុខវិជ្ជាទាំងអស់៕
