សម្តេចតេជោឲ្យក្រសួង មន្ទីរ និងស្ថាប័នពាក់ព័ន្ឋពិនិត្យលើការបញ្ចុះតម្លៃប្រេងសាំងនៅតាមស្ថានីយ
សារព័ត៌មាន Cambodia News/
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសទុកជាមុនឲ្យក្រសួងពាណិជ្ជកម្ម និងអាជ្ញាធរមូលដ្ឋានត្រូវចូលរួមតាមដាន ទាំងអស់គ្នានៅតាមស្ថានីយប្រេងឥន្ទនៈ ថ្ងៃកំណត់បញ្ចុះតម្លៃប្រេងនាថ្ងៃទី១ កក្កដា ខាងមុខនេះ។
សម្តេចថ្លែងបែបនេះក្នុងឱកាសអញ្ជើញបើកការដ្ឋានសាងសង់ស្ពានអាកាស និងផ្លូវក្រោមដីនៅរង្វង់មូលចោមចៅនាព្រឹកថ្ងៃទី២៩ ខែមិថុនា ឆ្នាំ២០១៨នេះ។
សម្តេចបានបញ្ជាក់ថា ក្រសួង មន្ទីរនិងស្ថាប័នពាក់ព័ន្ឋ ព្រមទាំងអាជ្ញាធរសូមពិនិត្យលើការបញ្ចុះតម្លៃប្រេងសាំងនៅតាមស្ថានីយ៍ប្រេងនៅទូទាំងប្រទេស ដើម្បីធានាបាននូវផលប្រយោជន៍សម្រាប់បងប្អូនប្រជាពលរដ្ឋយើង៕
