គ្រោះថ្នាក់ចរាចរណ៍ថ្ងៃទី២៥កញ្ញា ស្លាប់៣នាក់ របួស២១នាក់
សារព័ត៌មាន Cambodia news/
ភ្នំពេញ (២៦ កញ្ញា ២០១៦) ៖ តាមរបាយការណ៍ពីនាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានបញ្ជាក់ឲ្យដឹងថានៅថ្ងៃទី២៤ខែកញ្ញាឆ្នាំ២០១៦មានករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន១១លើក។ក្នុងនោះនាពេលយប់មាន៥លើកបណ្តាលឲ្យមនុស្សស្លាប់៣នាក់រងរបួសធ្ងន់១៤នាក់ស្រាល៧នាក់។
របាយការណ៍ដដែលបានបញ្ជាក់ឲ្យដឹងទៀតថានៅក្នុងហេតុការណ៍គ្រោះថ្នាក់ចរាចរណ៍ទាំង១១លើកនេះបណ្តាលឲ្យខូចខាតយានយន្ត សរុបចំនួន១៩គ្រឿង រួមមានម៉ូតូចំនួន១៥គ្រឿង រថយន្តធុនតូចចំនួន៤គ្រឿង។មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន៤លើកបត់គ្រោះថ្នាក់២លើកមិនគោរពសិទ្ធិ៣លើកមិនប្រកាន់ស្តាំមួយលើកប្រជែងមួយលើកក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់ចរាចរណ៍២០នាក់នាពេលយប់៤នាក់។
ចំពោះលទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកនៅថ្ងៃទី២៥ខែកញ្ញា ឆ្នាំ២០១៦សមត្ថកិច្ចជំនាញរក ឃើញថា យានយន្តដែលល្មើសសរុបទូទាំងប្រទេសមាន ចំនួន ១.៩២២គ្រឿង ក្នុងនោះបានធ្វើការអប់រំចំនួន ៦១៧គ្រឿង និងពិន័យសរុប ចំនួន ១.៣០៤គ្រឿង ៕
