នគរបាលទេសចរណ៍នឹងចុះល្បាតនៅតាមគោលដៅទេសចរណ៍សំខាន់ៗនៅ
សារព័ត៌មាន Cambodia News/
ភ្នំពេញ (២៧ កញ្ញា ២០១៦) ៖ ប្រធាននាយកដ្ឋាននគរបាលទេសចរណ៍នៃអគ្គស្នងការដ្ឋាននគរបាលជាតិបានអះអាងថា នគរបាល ទេសចរណ៍ នឹងបង្កើនការចុះល្បាតនៅតាមគោលដៅទិសចរាចរណ៍សំខាន់ៗនៅទូទាំងប្រទេស ដើម្បីធានាសន្តិសុខ សណ្ដាប់ធ្នាប់ជូនភ្ញៀវទេសចរអន្តរជាតិដែលមកទស្សនាកម្ពុជា។
ការអះអាងនេះធ្វើឡើងនៅក្នុងពិធីប្រគល់ ទទួលរថយន្ត និងម៉ូតូ នៅអគ្គស្នងការដ្ឋាននគរបាលជាតិ កាលពីថ្ងៃទី២៦ កញ្ញា ២០១៦។
លោកឧត្តមសេនីយ៍ទោ សំ ស៊ីយ៉ាន ប្រធាននាយកដ្ឋាននគរបាលទេសចរណ៍ បានអោយដឹងថា ការដាក់ចេញនូវវិធានការណ៍ខាងលើនេះ គឺដើម្បីឆ្លើយតបនិងចូលរួម ជាមួយរាជរដ្ឋាភិបាលកម្ពុជាក្នុងការទាក់ទាញភ្ញៀវទេសចរបរទេសឲ្យ មកលេងកម្ពុជាឲ្យកាន់តែច្រើនឡើង និងដើម្បីបង្កើនប្រាក់ចំណូលចូលជាតិ។
លោកឧត្ដមសេនីយ៍ទោបញ្ជាក់ថា គោលដៅទេសចរណ៍សំខាន់ដែលនគរបាលទេសចរណ៍បាន និងកំពុង ពង្រឹងនោះរួមមាននៅតំបន់ឆ្នេរខេត្តកែប កំពត ព្រះសីហនុ កោះកុង សៀមរាបអង្គរ និងតំបន់ទេសចរណ៍ មួយចំនួនទៀត៕
