សម្តេចតេជោប្រកាសមិនឲ្យត្រកូលហ៊ុនធ្វើការនៅក្រសួងសេដ្ឋកិច្ច
សារព័ត៌មាន Cambodia News/
ភ្នំពេញ ( ០២ កុម្ភៈ ២០១៧) ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងនៅព្រឹកថ្ងៃទី២ ខែកុម្ភៈ នេះថា សម្តេចមិនអនុញ្ញាតឲ្យត្រកូលហ៊ុនណាម្នាក់ ចូលបម្រើការងារនៅក្នុងក្រសួងសេដ្ឋកិច្ចជាដាច់ខាត ជាពិសេសគឺផ្នែកគយ និងពន្ធដារ។
សម្តេចតេជោ ហ៊ុន សែន បានថ្លែងបែបនេះក្នុងពិធីចែកសញ្ញាបត្រដល់និស្សិត សកលវិទ្យាល័យជាតិគ្រប់គ្រង សម្តេចតេជោក៏បានថ្លែងថា ប្រសិនបើសម្តេចឲ្យកូនចៅរបស់សម្តេច ចូលបម្រើការងារនៅក្នុងក្រសួងសេដ្ឋកិច្ច ខាងផ្នែកគយ និងពន្ធដារ គេពិតជាជេរសម្តេចជាមិនខាន។
សម្តេចបន្ដថា ព្រោះកូនចៅសម្តេច ពុំបានសិក្សាខាងផ្នែកសេដ្ឋកិច្ចទេ គឺមានតែ ហ៊ុន ម៉ាណែត ម្នាក់ ដែលធ្លាប់បានទៅធ្វើការនៅធនាគារពិភពលោក។ សម្តេចថា មិនមែនកូនចៅសម្តេច មិនចេះសេដ្ឋកិច្ចនោះទេ ប៉ុន្តែមិនចង់ឲ្យពាក់ព័ន្ធ៕
