សណ្ឋាគារ២ជាន់នៅឥណ្ឌារលំបាក់ធ្វើឲ្យ១៣នាក់ស្លាប់
នៅប្រទេសឥណ្ឌាមានមនុស្សយ៉ាងតិច ១៣នាក់ បានស្លាប់នៅក្នុងការ រលំបាក់អគារមួយនៅក្រុង Secunderabad ស្ថិតនៅប៉ែកខាងត្បូងប្រទេសឥណ្ឌា។
ប៉ូលិសនិយាយថា មានមនុស្សយ៉ាងតិច១៧នាក់ទៀតត្រូវរបួសនៅពេលដែលសណ្ឋាគារ City Light ២ជាន់បានរលំបាក់។
មន្រ្ដី ឥណ្ឌានិយាយថា ជញ្ជាំងចង្រ្កានជាមូលហេតុធ្វើឲ្យបាក់សណ្ឋាគារទាំងមូល ដោយធ្វើឲ្យបុគ្គលិកធ្វើការត្រូវកប់ក្នុងអគារនោះ ហើយក៏មានមនុស្សច្រើននាក់ទៀតដែរដែលកប់ក្នុងកំទេចកំទីអគារ។
ក្រុម អ្នកជួយសង្រ្គោះបានប្រើម៉ាស៊ីនជីក, ម៉ាស៊ីនស្ទូច និងម៉ាស៊ីនកាត់ស៊ីម៉ងដ៍ធំៗ ដើម្បីទាញយកមនុស្សចេញពីគំនរអគារបាក់។
មកទល់ពេលនេះមានអ្នករស់រានមានជីវិតជាង២០នាក់ហើយដែលត្រូវបានគេជួយសង្រ្គោះចេញ៕ (Radio Australia)