ក្រសួងសុខាភិបាល ហាមប្រើឱសថ Ketosteril គ្មានបញ្ជិកា
សារព័ត៌មាន Cambodia News/
ភ្នំពេញ (១៥ កក្កដា ២០១៩) ៖ តាមសេចក្តីប្រកាសរបស់ក្រសួងសុខាភិបាល ដែលបានចេញផ្សាយលើទំព័រហ្វេសប៊ុករបស់ខ្លួន សូមជម្រាបជូនលោក លោកស្រី ប្រធានមន្ទីរសុខាភិបាល រាជធានី ខេត្ត វេជ្ជបណ្ឌិត ឱសថការី ដែលទទួលបន្ទុកបច្ចេកទេស នៃ គ្រឹះស្ថានលក់ឱសថ និង សាធារណជនទាំងអស់បានជ្រាបថា ៖
តាមសេចក្តីជូនដំណឹងរបស់គ្រឹះស្ថាន អាហរ័ណ នីហរ័ណឱសថ មេហ្គា ឡាយសាយអិនស៍ ភីធីវ៉ាយ លីមីធីត និង ការស្រាវជ្រាវរបស់ក្រសួងសុខាភិបាល ឃើញមានឱសថឈ្មោះ Ketosteril Labels គ្មានលេខបញ្ជិកា និងគ្មានច្បាប់ធនុវញ្ញាតពីក្រសួងសុខាភិបាល ហើយដាក់លក់ក្នុងទីផ្សារក្នុងព្រះរាជាណាចក្រកម្ពុជា ដែលស្រដៀងគ្នានឹងឱសថឈ្មោះ Ketosteril Labels ដែលនាំចូលដោយគ្រឹះស្ថានអាហរ័ណ នីហរ័ណឱសថ មេហ្គា ឡាយសាយអិនស៍ ភីធីវ៉ាយ លីមីធីត មានលេខបញ្ជិកា CAM NO477IP-16 ពីក្រសួងសុខាភិបាល ។
សេចក្តីប្រកាសដដែលនេះ បានបន្ថែមថា ក្រសួងសុខាភិបាល មានវិធានការដូចទៅ ៖
១. ភ្នាក់ងារត្រួតពិនិត្យឱសថ ត្រូវសហការជាមួយមន្ទីរសុខាភិបាលរាជធានី ខេត្ត វេជ្ជបណ្ឌិត ឱសថការី ដែលទទួលបន្ទុកបច្ចេកទេស នៃ គ្រឹស្ថានលក់ឱសថ និង អាជ្ញាធរមូលដ្ឋាន ត្រូវប្រមូលថឈ្មោះ Ketosteril Labels គ្មានលេខបញ្ជិកា មកកម្ទេចចោល ។
២. លោក លោកស្រីវេជ្ជបណ្ឌិត និង ឱសថការី ដែលទទួលបន្ទុកបច្ចេកទេស នៃ គ្រឹះស្ថានលក់ឱសថ ទាំងអស់ ត្រូវបញ្ឈប់ការចែកចាយ ការទិញ និង ការតាំងលក់ឱសថឈ្មោះ Ketosteril Labels គ្មានលេខបញ្ជិកា ខាងលើជាបន្ទាន់ ។
៣. គ្រប់មន្ទីរសុខាភិបាល រាជធានី ខេត្ត ត្រូវមានវិធានការណែនាំឱ្យបានទូលំទូលាយ ដល់គ្រប់សេវាសុខាភិបាលឯកជន និង គ្រឹះស្ថានលក់ឱសថទាំងអស់ ឱ្យឈប់ប្រើប្រាស់ និងលក់ថឈ្មោះ Ketosteril Labels គ្មានលេខបញ្ជិកា ជាបន្តទៀត ។
៤. ក្រសួងសុខាភិបាល នឹងមានវិធានការផ្លូវច្បាប់តឹងរ៉ឹងចំពោះជនខិលខូច។ សេវាសុខាភិបាលឯកជន និងគ្រឹះស្ថានលក់ឱសថទាំងអស់ ដែលនៅតែបន្តការចែកចាយ ការទិញ និង ការតាំងលក់ថឈ្មោះ Ketosteril Labels គ្មានលេខបញ្ជិកា ខាងលើ ។
សេចក្តីប្រកាសដដែលនេះ បានបន្ថែមថា ករណីបានឃើញអ្នកប្រើប្រាស់ លក់ ឬ ចែកចាយឱសថឈ្មោះ Ketosteril Labels គ្មានលេខបញ្ជិកា ខាងលើនេះ សូមផ្តល់ព័ត៌មាន ឬ ត្រូវការព័ត៌មានបន្ថែមពីនាយកដ្ឋានឱសថ ចំណីអាហារ បរិក្ខារពេទ្យ និង គ្រឿងសម្អាង តាមរយៈទូរស័ព្ទលេខ ០៩៥ ៣៥៩ ៣៩៩ ឬ ០១២ ៩៨៣ ៣៣៤ ៕
