ភ្លៀងនឹងនៅតែបន្តធ្លាក់ក្នុងកំរិតតិចនៅតាមបណ្តាខេត្តមួយចំនួន
សារព័ត៌មាន Cambodia News/
ភ្នំពេញ (០៨ ធ្នូ ២០១៦) ៖ នាយកដ្ឋានឧតុនិយមក្រសួងធនធានទឹក និងឧតុនិយមបានបញ្ជាក់ពីស្ថានភាពអាកាសធាតុថ្ងៃទី 0៧ ០៨និង ០៩ ខែ ធ្នូ ឆ្នាំ២០១៦ថា កម្ពុជាទទួលឥទ្ធិពលពីជ្រលងសម្ពាធខ្ពស់ខ្សោយលក្ខណៈបែបនេះធ្វើឲ្យអាកាសធាតុនៅថ្ងៃនេះនៅតំបន់វាលទំនាបមួយចំនូន។
ក្រសួងធនធានទឹកបន្តថា សីតុណ្ហភាពអប្បបរមាពី២១ ទៅ២៣អង្សាសេ និងអតិបរមាពី៣០ទៅ៣២អង្សាសេ ផ្ទៃមេឃមានពពកពីតិចទៅមធ្យម ខ្យល់បក់មកពីទិសឦសាន្ត មានល្បឿនពី៣ – ៥ m/s នឹងអាចមានភ្លៀង ផ្គរ នៅផ្នែកខ្លះនៃរាជធានីភ្នំពេញ ខេត្ត កណ្តាល កំពង់ស្ពឺ តាកែវ កំពង់ឆ្នាំង ព្រៃវែង និងខេត្ត ស្វាយរៀង។
ដោយឡែកនៅតំបន់ខ្ពង់រាបមានសីតុណ្ហភាពអប្បបរមាពី២០-២២អង្សាសេ នឹងអតិបរមាពី៣០ – ៣២អង្សាសេ ផ្ទៃមេឃមានពពកពីតិចទៅមធ្យម ខ្យល់បក់មកពីទិសឦសាន្ត មានល្បឿនពី៣ – ៥ m/s នឹងអាចមានភ្លៀង ផ្គរ នៅផ្នែកខ្លះនៃខេត្ត កំពង់ចាម ត្បូងឃ្មុំ ក្រចេះ ស្ទឹងត្រែង និងខេត្ត មណ្ឌលគីរី ៕
