អ្នកបើកបរគ្មានប័ណ្ណបើកបរ និងប្រើប្រាស់រថយន្តគ្មានស្លាកលេខ អាចជាប់ពន្ធនាគារ
សារព័ត៌មាន Cambodia News/
ភ្នំពេញ (១៧ កញ្ញា ២០១៥) ៖ យោងតាមច្បាប់ចរាចរណ៍ផ្លូវគោកថ្មី ម្ចាស់យានយន្តណា ដែលប្រើប្រាស់ទ្រូងផ្លូវសាធារណៈ ហើយមិនបានពាក់ស្លាកលេខ ត្រូវប្រឈមមុខនឹងជាប់ពន្ធនាគាររយៈពេល ៦ថ្ងៃ ដល់ ១ខែ និងពិន័យប្រាក់និងពិន័យប្រាក់ពី ១សែនរៀល ទៅ ៨សែនរៀល។
អនុប្រធាននាយកដ្ឋានសណ្តាប់ធ្នាប់ លោកឧត្តមសេនីយ៍ត្រី ខូវ លី បានឲ្យដឹងនៅព្រឹកថ្ងៃទី១៦ ខែកញ្ញា ឆ្នាំ២០១៥ ថា ចំពោះករណី អ្នកបើកបរដែលគ្មានប័ណ្ណបើកបរ គឺត្រូវមានទោស បើយោងតាមមា្រតា៧៥ ត្រូវផ្តន្ទាទោសដាក់ពន្ធនាគារពី៦ថ្ងៃ ដល់១ខែ និងពិន័យជាប្រាក់ពី ១សែនរៀល ទៅ ៨សែនរៀល។
នេះបើយោងតាមប្រសាសន៍របស់អនុប្រធាននាយកដ្ឋានសណ្តាប់ធ្នាប់ លោកឧត្តមសេនីយ៍ត្រី ខូវ លី ដែលបង្ហោះលើគេហទំព័ររអគ្គស្នងការដ្ឋាន នគរបាលជាតិ។
លោកឧត្តមសេនីយ៍ត្រី ខូវ លី បន្តថា ចំណែករថយន្តណាដែលគ្មានស្លាកលេខ និងប័ណ្ណសម្គាល់ គឺមិនត្រូវបានអនុញ្ញាតិឲ្យធ្វើចរាចរតាមដងផ្លូវទេ បើយោងតាមមាត្រា៨២ ត្រូវផ្តន្ទាទោសដាក់ពន្ធនាគារពី៦ថ្ងៃ ដល់១ខែ និងពិន័យជាប្រាក់ពី១សែនរៀន ទៅ៨សែនរៀល។ ហើយចំពោះករណីនេះដែរសមត្ថកិច្ចនឹងកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់៕ ដោយ៖ ហេង នាង
