ប្រទេសនានាព្រួយបារម្ភអំពីការលុបចោលពន្ធកាបូនរបស់អូស្ត្រាលី
ប្រទេសមួយចំនួនដែលចូលរួមក្នុ ងកិច្ច ចរចាស្តីពីបញ្ហាអាកាសធាតុរបស់អង្គការសហប្រជាជាតិនៅប្រទេសប៉ូឡូញ បានបង្ហាញពីការព្រួយបារម្ភរបស់ខ្លួននៅពេលដែលប្រទេសអូស្ត្រាលី លុបចោលការយកពន្ធលើ ក្រុមហ៊ុនដែលបញ្ចេញជាតិកាបូនទៅក្នុងបរិយាកាស។
ក្នុងកិច្ចចរចាស្តីពីបញ្ហាអាកាសធាតុរបស់អង្គការ សហប្រជាជាតិនេះបានសន្និដ្ឋានថាកំដៅពិភពលោកនឹងកើនឡើងប្រមាណជា៣,៧ ដឺក្រីនៅចុងនៃសតវត្សនេះ។
ការព្យាករនេះនឹងត្រូវបានរៀបរាប់ លម្អិតក្នុងកម្មវិធីតាមដានសកម្មភាពអាកាសធាតុដែលនឹងផ្តោតទៅលើ គោលនយោបាយអាកាសធាតុបច្ចុប្បន្ន និងការសន្យាទៅលើការកាត់បន្ថយការបំភាយឧស្ម័នទៅក្នុងបរិយាកាស។
លោក Bill Hare អ្នកវិទ្យាសាស្រ្តអាកាសធាតុ បានចូលរួមក្នុងកិច្ចប្រជុំកំពូលនេះ ដោយបានមានប្រសាសន៍ថាការកើនឡើងនៃសីតុណ្ហភាពនេះអាចនឹងបំផ្លាញ បណ្តាប្រទេសដែលកំពុងអភិវឌ្ឍ និងបរិស្ថាន៕ (Radio Australia)