លទ្ធផលបណ្ដោះអាសន្ន បក្សប្រឆាំងលោកស្រីអ៊ុងសាន ស៊ូជីនាំមុខ
សារព័ត៌មាន Cambodia News
មីយ៉ាន់ម៉ា (១០ វិច្ចិការ ២០១៥) ៖ ទោះបីជាមិនទាន់ដឹងលទ្ធផលផ្លូវការក៏ដោយ ប៉ុន្ដែតាមលទ្ធផលបណ្ដោះ អាសន្ន គណបក្សប្រឆាំងមីយ៉ាន់ម៉ាបានវ៉ាដាច់គណបក្សផ្សេងទៀតទៅហើយ ដែលចូលរួមក្នុងការបោះឆ្នោតជាសាកលក្នុងប្រទេសមីយ៉ាន់ម៉ា ក្នុងនោះមានទាំងគណបក្សកាន់អំណាចផងដែរ។
ប្រជាជនមីយ៉ាន់បានអបអរសាទរយ៉ាងខ្លាំងដល់លោកស្រីអ៊ុងសាន ស៊ូជី ហើយពួកគេសង្ឃឹមថា គណបក្សសម្ព័ន្ធដើម្បីប្រជាធិបតេយ្យរបស់លោកស្រីអ៊ុងសាន ស៊ូជីនឹងឈ្នះការបោះឆ្នោតជាប្រវត្ដិសាស្ដ្រនេះ។
តាមការបញ្ជាក់ពីអ្នកនាំពាក្យគណបក្សប្រឆាំងរបស់លោកស្រីអ៊ុងសាន ស៊ូជី គណបក្សសម្ព័ន្ធដើម្បីប្រជាធិបតេយ្យរបស់លោកស្រី បានឈ្នះជាង៨០ភាគរយហើយនៃសន្លឹកឆ្នោតដែលបានរាប់រហូតលមកដល់ពេលនេះ នៅក្នុងតំបន់ដែលមានចំនួនប្រជាជនខ្ពស់។
នៅក្រៅតំបន់ដែលមានប្រជាជនខ្ពស់ គណបក្សលោកស្រីអ៊ុងសាន ស៊ូជី បានឈ្នះជាង៦០ភាគរយ។សំឡេងឆ្នោតគាំទ្រគណបក្សប្រឆាំងមួយនេះ ក៏មានផងដែរនៅក្នុងតំបន់ដែលប្រជាជនគាំទ្រដល់គណបក្សកាន់អំណាច៕
