សួង សុខារ៉ានីត មិនចង់ឃើញអ្នកបើកបរបង្កគ្រោះថ្នាក់អាងយកលុយហើយរួចខ្លួននោះទេ (មានវីដេអូ)
សារព័ត៌មាន Cambodia News/
កម្សាន្ត (០៧ កុម្ភៈ ២០១៧) ៖ ថ្មីៗនេះតារាសម្តែងស្រីរូបស្រស់កញ្ញា សួង សាខារ៉ានីត បានបញ្ចេញឃ្លីបវីដេអូមួយ ដើម្បីក្រើនរំឭកដល់អ្នកបើកបរ នៅតាមបណ្តាដងផ្លូវនានា ឲ្យចេះគោរពនៅច្បាប់ចរាចរណ៍ និងសិទ្ធិបើកបររបស់អ្នកដទៃ ជៀសវាងមានបញ្ហាគ្រោះថ្នាក់ ដែលនាំឲ្យខាតបង់ពេលវេលា និងបង្កបញ្ហាផ្សេងៗ ដល់អ្នករួមដំណើរតាមផ្លូវ ជាមួយ។
តាមរយៈឃ្លីបវីដេអូ តារាសម្តែងស្រីសម្តីផ្អែម កញ្ញា សួង សាខារ៉ានីត បាននិយាយថា «ពេលខ្ញុំបើករថយន្តម្តងៗតែងតែ មានការប្រុងប្រយ័ត្នខ្ពស់ ពេលខ្លះគឺមានក្រុមអ្នកបើកបរម៉ូតូមួយចំនួន ជិះហាក់ដូចជាគ្មានសីលធម៌នោះឡើយ ពោលបើនិយាយរួម គឺគាត់បើកឆាបចុះឆាបឡើង។ ម្យ៉ាងទៀតរាល់ការបត់ឆ្វេងឬស្តាំ គឺពុំមានការឲ្យសញ្ញា ជាមុនឡើយ!»។
ទន្ទឹមគ្នានេះ តារាស្រីកញ្ញា សួង សាខារ៉ានីត បានបន្ថែមថា «ខ្ញុំសូមអង្វរដល់បងប្អូន ដែលធ្វើដំណើរតាមផ្លូវ មេត្តាបើកបរឲ្យមានការប្រុងប្រយ័ត្នខ្លះផង ហើយខ្ញុំក៏មិនចង់ឃើញ ពេលមានរឿងគ្រោះថ្នាក់កើតឡើង រួចហើយយកប្រាក់មកបង់ថ្លៃសំណង នៃការខូចខាតរថយន្តនោះដែរ!»៕ ដោយ ៖ វត្តី
សូមទស្សនាឃ្លីបវីដេអូខាងក្រោមនេះ ទាំងអស់គ្នា៖
