បងស្រី ដេននី ក្វាន់ ត្រូវចាប់ខ្លួន
សារព័ត៌មាន Cambodia News/
កម្សាន្ត (០៧ កុម្ភៈ ២០១៧) ៖ ថ្មីៗនេះ មានការភ្ញាក់ផ្អើលមួយ នៅលើបណ្តាញទំនាក់ទំនង ហ្វេសប៊ុក បន្ទាប់ពីមានលេចចេញនូវព័ត៌មានថា បងស្រីបង្កើតរបស់តារាសម្តែងសិចស៊ី កញ្ញា ដេននី ក្វាន់ គឺអ្នកនាង ស្រឿន ចំរើន ហៅ ចោម ក្វាន់ ដែលតែងតែបង្ហាញវត្តមាន ក្នុងឈុតសិចស៊ី ជាមួយប្អូនស្រីដែរនោះ ត្រូវបានមន្ត្រីនគរបាលធ្វើការឃាត់ខ្លួន ជាប់សង្ស័យពីបទឆបោកប្រាក់រាប់ម៉ឺនដុល្លារ ក្នុងជំនួញរកស៊ីរបស់នាង។
ប្រភពព័ត៌មានទម្លាយចេញពីបណ្ដាញសង្គម Facebook ដដែលបានឲ្យដឹងទៀតថា ការចាប់ឃាត់ខ្លួននេះ ធ្វើឡើងនៅចំណុចមុខក្រសួងការពាជាតិ ផ្លូវ សហព័ន្ធរុស្ស៊ី នាម៉ោង១០និង៣០នាទីព្រឹក ថ្ងៃទី០២ ខែកុម្ភៈ ឆ្នាំ២០១៧ ប៉ុន្តែទើបតែបែកធ្លាយសុះសាយនៅពេលនេះ។
ការចាប់ខ្លួន អ្នកនាង សឿន ចំរើន (ហៅ ចោម ខ្វាន់) តាមដីការនាំខ្លួន របស់សាលាតំបូងរាជធានីភ្នំពេញ លេខ៩៥៧ ដចន ចុះថ្ងៃទី១៩ ខែធ្នូ ឆ្នាំ២០១៦ ក្នុងសំណុំរឿងលេខ៣៤៧៤ ចុះថ្ងៃទី២២ ខែក្កដា ឆ្នាំ២០១៦ ដើម្បីប្រគល់ឲ្យសាលាដំបូងចាត់ការតាមនិតិវិធី បន្ទាប់មកបញ្ជូនទៅមណ្ឌលកែប្រែម២ នៅថ្ងៃទី០៣ ខែកុម្ភៈ ឆ្នាំ២០១៧ វេលាម៉ោង១១ព្រឹក៕
