អ្នកទេសចរអូស្ត្រាលីមួយរូបស្លាប់ដោយសារពុលសារធាតុមេតានុលនៅក្នុងស្រានៅឥណ្ឌូណេស៊ី
ការស្លាប់ របស់អ្នកទេសចរអូស្ត្រាលីមួយរូបដោយសារពុលសារធាតុមេតានុល (methanol) នៅក្នុងស្រាបានបណ្ដាលឲ្យអាជ្ញាធរឥណ្ឌូណេស៊ីបង្ក្រាបការលក់ស្រា ខុសច្បាប់។
កាលពីដើមខែមុន លោក Liam Davies អាយុ ១៩ឆ្នាំ មកពីរដ្ឋអូស្ត្រាលីខាងលិចបានស្លាប់ដោយសារការពុលសារធាតុមេតានុល ក្រោយពីបានផឹកស្រាដែលមានសារធាតុមេតានុលជាមួយមិត្តភក្ដិនៅក្នុង ប្រទេសឥណ្ឌូណេស៊ី។
លោក Liam Davies បានចូលរួមអបអរបុណ្យចូលឆ្នាំថ្មីនៅលើកោះ Lombok ក្បែរកោះបាលី។ លោកបានស្លាប់មួយថ្ងៃក្រោយពីចូលសម្រាកនៅមន្ទីរ ពេទ្យនៃក្រុង Perth ។ មរណភាពរបស់លោកបានធ្វើឲ្យអាជ្ញាធរមានសមត្ថ កិច្ចមូលដ្ឋាននៅ ឥណ្ឌូណេស៊ីត្រូវធ្វើការដោះស្រាយដោយសារតែការភ័យ ខ្លាចអ្នកទេសចរ ដទៃទៀតនឹងជៀសវាងទៅលេងនៅតំបន់នោះ។
លោក Fahman Toriki មកពីការិយាល័យទេសចរណ៍ Lombok ខាងជើងនៃប្រទេសឥណ្ឌូណេស៊ី មានប្រសាសន៍ថា យុទ្ធនាការមួយបានធ្វើឡើងដើម្បីព្រមានដល់បណ្ដាអ្នកទេសចរកុំឲ្យ ពិសាគ្រឿងស្រវឹងដែលមិនមានច្បាប់អនុញ្ញាត។
លោកបានមាន ប្រសាសន៍បន្តថា អាជ្ញាធរក៏បានប្រាប់ដល់សណ្ឋាគារ និងកន្លែងកំសាន្ដដែលមានគ្រឿងស្រវឹងថា ពួកគេអាចនឹងបាត់បង់អាជីវកម្ម ប្រសិនណាបើពួកគេត្រូវអាជ្ញាធររកឃើញថា បានលក់គ្រឿងស្រវឹងដែលមិនមានច្បាប់អនុញ្ញាត ឬក៏គ្រឿងស្រវឹងដែលមានលាយសារធាតុមេតានុលនោះ៕ (Radio Australia)