នាយករដ្ឋមន្ត្រីហាមមិនឲ្យអាជ្ញាធរចុះរឹបអូសដីពលរដ្ឋដែលជំពាក់បំណុល
សារព័ត៌មាន Cambodia News/
ភ្នំពេញ (២៣ កុម្ភៈ ២០១៧) ៖ ថ្លែងក្នុងពិធីចែកសញ្ញបត្រ ដល់និស្សិតសាកលវិទ្យាល័យភ្នំពេញអន្តរជាតិនាថ្ងៃទី២២ កុម្ភៈ នេះនៅវិទ្យាស្ថានជាតិអប់រំ កាលពីថ្ងៃទី២២ ខែកុម្ភ់ ម្សិលមិញ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានហាមមិនឲ្យអាជ្ញាធរមូលដ្ឋាន ពាក់ព័ន្ធនឹងការចុះរឹបអូលដីធ្លីប្រជាពលរដ្ឋករណីពួកគាត់មិនមានលទ្ធភាពសងត្រឡប់ទៅធនាគារវិញមិនទាន់ពេល។
សម្តេច ហ៊ុន សែន ក៏ធ្លាប់បានអំពាវនាវឲ្យគ្រឹះស្ថានមីក្រូហិរញ្ញវត្ថុយោគយល់ពន្យារការសង ដោយមិនយកការប្រាក់នៅដំណាក់កាល ដែលប្រជាពលរដ្ឋកំពុងជួបការលំបាក ដូចជាជួបគ្រោះរាំងស្ងួត និងគ្រោះទឹកជំនន់ ជាដើម។
ការដាក់បម្រាមនេះ ព្រោះកន្លងមកជារឿយៗគេតែងតែសង្កេតឃើញថា ប្រជាពលរដ្ឋមួយចំនួនដែលបានខ្ចីលុយពីស្ថាប័នមីក្រូហិរញ្ញវត្ថុ ឬធនាគារនានា ត្រូវបានគ្រឹះស្ថានផ្ដល់ប្រាក់កម្ចីទាំងនោះ សហការជាមួយអាជ្ញាធរចុះរឹបអូសដីធ្លី ឬផ្ទះសំបែងជាដើម នៅពេលណាដែលពួកគាត់ទាំងនោះ គ្មានលទ្ធភាពសងត្រឡប់ទៅធនាគារវិញ៕
