គ្រោះថ្នាក់ចរាចរណ៍ថ្ងៃទី២២ខែវិច្ឆិកាស្លាប់៥នាក់របួស២៥នាក់
សារព័ត៌មាន Cambodia News/
ភ្នំពេញ ៖ តាមរបាយការណ៍ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ឱ្យដឹងថាកាលពីថ្ងៃទី២២ខែវិច្ឆិកាឆ្នាំ២០១៧មានករណីគ្រោះថ្នាក់ចរាចរណ៍នៅទូទាំងប្រទេសបានកើតឡើងចំនួន៩លើក ។ក្នុងនោះបណ្ដាលឲ្យមនុស្សស្លាប់៥នាក់ របួសស្រាល៧នាក់ និងរបួសធ្ងន់១៨នាក់។
របាយការណ៍ដដែលបានបញ្ជាក់ឱ្យដឹងទៀតថានៅក្នុងហេតុការណ៍គ្រោះថ្នាក់ចរាចរណ៍ទាំង៩លើកនេះបណ្ដាលឲ្យខូតខាតម៉ូតូចំនួន៧គ្រឿងរថយន្តតូច៥គ្រឿង-គោយន្ដមួយគ្រឿង និងរថយន្ដធុនធំ២គ្រឿង។មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍ រួមមានល្មើសល្បឿន-មិនគោរពសិទ្ធិ-មិនប្រកាន់ស្ដាំ-ប្រជែង-ងងុយដេក-ស្រវឹង និងកត្តាយានយន្ដ។
ចំពោះករណីគ្រោះថ្នាក់ចរាចរណ៍កើតឡើងរយៈពេល២២ថ្ងៃ ខែវិឆ្ឆិកា ឆ្នាំ២០១៧នេះ មានចំនួន២០៨លើក បណ្ដាលឲ្យមនុស្សស្លាប់ចំនួន១០៦នាក់ របួសធ្ងន់ចំនួន២០៨នាក់ និងរបួសស្រាលចំនួន២៦២នាក់៕
