អតីតមន្ត្រីថ្នាក់មូលដ្ឋាន CNRP ចំនួន៤៣៣នាក់បានចូលរួមជាមួយ CPP
សារព័ត៌មាន Cambodia News/
ភ្នំពេញ (២២ វិច្ឆិកា ២០១៧) ៖ តាមរបាយការណ៍របស់បក្សកាន់អំណាចបានឲ្យដឹងថា មកដល់ថ្ងៃទី២១ ខែវិច្ឆិកា ឆ្នាំ២០១៧នេះ អតីតតំណាងរាស្ដ្រ សមាជិកក្រុមប្រឹក្សា មេឃុំ ជំទប់ និងថ្នាក់ដឹកនាំមូលដ្ឋានរបស់ CNRP សរុប៤៣៣នាក់បានសម្រេចចិត្ត សុំចូលរួមរស់ជាមួយគណបក្សប្រជាជនកម្ពុជា។
យ៉ាងណាក៏ដោយ ចំនួននេះ មិនបាន១០%ទេ បើប្រៀបធៀបទៅនឹងចំនួនអតីតមន្ត្រីថ្នាក់មូលដ្ឋាន របស់គណបក្សសង្គ្រោះជាតិ ។ ប៉ុន្តែវាក៏ជាចំនួនមិនតិចនោះដែរ ខណដែលគេរំពឹងថា អតីតមន្ត្រីគណបក្សប្រឆាំងដែលត្រូវបាន រំលាយនឹងបន្តចូលរួមជាមួយបក្សកាន់អំណាចជាបន្តបន្ទាប់ទៀតក្នុងរយះពេល២ថ្ងៃដែលជាឱសានវាទកំណត់ដោយប្រធានគណបក្សកាន់អំណាច ៕
