ថ្ងៃ២០ ឧសភា ជាទិវាចងចាំមិនអាចបំភ្លេច បាននូវសោកនាដកម្មខ្លោចផ្សាក្នុងរបបខ្មែរក្រហម
សារព័ត៌មាន Cambodia News/
ភ្នំពេញ (១៨ ឧសភា ២០១៧) ៖ លោក ប៉ា សុជាតិវង្ស អភិបាលរាជធានីភ្នំពេញ និងលោកម៉ប់ សារិន ប្រធានក្រុមប្រឹក្សារាជធានីភ្នំពេញ នៅព្រឹកថ្ងៃទី១៨ ខែឧសភានេះបាននាំប្រជាពលរដ្ឋ និងសិស្សនិស្សិត ធ្វើពិធីបង្សុកូល រាប់បាតព្រះសង្ឃ ចំនួន២០៧អង្គ នៅមជ្ឈមណ្ឌល ប្រល័យពូជសាសន៍ជើងឯក ដើម្បីឧទ្ទិសកុសលដល់ប្រជាពលរដ្ឋ ដែលស្លាប់ ក្នុងរបបខ្មែរក្រហម។
ថ្ងៃ២០ ឧសភា ជាទិវាចងចាំមិនអាចបំភ្លេច បាននូវសោកនាដកម្ម ខ្លោចផ្សាក្នុងរបបខ្មែរក្រហម ដែលបានសម្លាប់ ប្រជាពលរដ្ឋខ្មែរ យ៉ាងសាហាវឃោរឃៅ ជិត ២ លាននាក់ ក្នុងរយៈពេល ៣ឆ្នាំ ៨ខែ ២០ថ្ងៃ។
តាមរយៈការសម្តែងសិល្បៈ បង្ហាញពីទិដ្ឋភាពខ្លោចផ្សា នៃការកាប់សម្លាប់ប្រជាពលរដ្ឋខ្មែរ ក្នុងរបបខ្មែរក្រហម គឺដូចគ្នាទៅនឹងអ្វី ដែលកើតឡើង នៅក្នុងរបប ប៉ុល ពត យើងមិនអាចបំភ្លេច បានថ្ងៃ២០ឧសភា នោះទេ យើងចង់អោយអ្នកទាំងអស់គ្នា ទាំងប្រជាពលរដ្ឋកម្ពុជា និងបរទេស បានឃើញនូវទុក្ខសោកខ្លោចផ្សា ដែលប្រជាពលរដ្ឋ បានឆ្លងកាត់កន្លងមក៕
