សម្តេចតេជោ ជួបសំណេះសំណាលជាមួយមន្ត្រីរាជការខេត្តកំពង់ស្ពឺ ក្រោយខកខានទៅវិញ ដោយសារបញ្ហាសុខភាព
សារព័ត៌មាន Cambodia News/
កំពង់ស្ពឺ (១៨ ឧសភា ២០១៧) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១៨ ខែឧសភា ឆ្នាំ២០១៧នេះបានបន្តចុះជួបសំណេះសំណាល និងសាកសួរសុខទុក្ខមន្ត្រីរាជការ កងកម្លាំងប្រដាប់អាវុធ ព្រមទាំងក្រុមប្រឹក្សាឃុំ សង្កាត់ នៅទូទាំងខេត្តកំពង់ស្ពឺ។
ការជួបសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ និងក្រុមប្រឹក្សាឃុំ សង្កាត់ នៅខេត្តកំពង់ស្ពឺនេះ តាមការពិតសម្តេចតេជោ ហ៊ុន សែន ត្រូវជួបតាំងពីថ្ងៃទី០៤ ខែឧសភា មកម្ល៉េះ តែត្រូវខកខានទៅវិញ ដោយសារបញ្ហាសុខភាព សម្តេច ក៏បានបញ្ជាក់ថា ការទៅយឺត គឺប្រសើរជាងមិនទៅ។
សម្តេចតេជោ ហ៊ុន សែន បានបញ្ជាក់ថា នៅទំព័រ Facebook របស់សម្តេចថា “ពេលនេះ ខ្ញុំកំពុងធ្វើដំណើរទៅកាន់ខេត្តកំពង់ស្ពឺ ដើម្បីជួបមន្ត្រីរាជការកងកម្លាំងប្រដាប់អាវុធ បន្ទាប់ពីអាក់ខានដោយសុខភាពកាលពីថ្ងៃទី៤ ខែឧសភា២០១៧។ទៅយឺតប្រសើរជាងមិនបានទៅ ខ្ញុំត្រូវទៅជួបបងប្អូនតាមការគ្រោងទុក បើទោះបីជាខ្ញុំទើបមកពីប្រទេសចិនយប់ម៉ិញនេះក៏ដោយ”៕
