គ.ជ.ប អំពាវនាវឱ្យក្រុមថៅកែរោងចក្រសម្រួលឲ្យកម្មករទៅបោះឆ្នោតបាន
សារព័ត៌មាន Cambodia News/
ភ្នំពេញ (២៥ ឧសភា ២០១៧) ៖ គណកម្មាធិការជាតិរៀបចំការបោះឆ្នោត ហៅកាត់ថា គ.ជ.ប កាលពីព្រឹកថ្ងៃទី២៤ ឧសភា បានអំពាវនាវដល់ ក្រុមថៅកែសហគ្រាសនិងរោងចក្រ សម្រួលដល់ថ្ងៃឈប់សម្រាករបស់បុគ្គលិក កម្មករ និយោជិត ដើម្បីឲ្យពួកគេអាច ទៅបោះ ឆ្នោតបានក្រុមប្រឹក្សាឃុំ សង្កាត់បាន។
បុគ្គលិក កម្មករ និយោជិត ទំនងអាចទទួលបានការឈប់សម្រាករយៈពេលសមស្របមួយដើម្បីអាចធ្វើដំណើរ ទៅបោះ ឆ្នោតបាន។
អ្នកនាំពាក្យគណកម្មាធិការជាតិរៀបចំការបោះឆ្នោត មានប្រសាសន៍ថា គ.ជ.ប នឹងចេញសេចក្តីអំពាវនាវ ទៅដល់ម្ចាស់សហគ្រាស ថៅកែរោងចក្រ ទាំងអស់ឲ្យបង្កភាពងាយស្រួលដល់ការឈប់សម្រាករបស់បុគ្គលិក កម្មករ និយោ ជិត ដើម្បីឲ្យពួកគេមានឱកាសគ្រប់គ្រាន់សម្រាប់ធ្វើដំណើរទៅបោះឆ្នោតបានគ្រប់គ្នាតាមលំនៅដ្ឋានឆ្ងាយជិតរៀងៗខ្លួន៕
