ចាប់ពីថ្ងៃនេះ ដល់ថ្ងៃទី១៥ ខែកុម្ភៈ ខេត្តមួយចំនួន នឹងចុះត្រជាក់រហូតដល់១៥អង្សាសេ
សារព័ត៌មាន Cambodia News/
ភ្នំពេញ (១៣ កុម្ភៈ ២០១៧) ៖ ក្រសួងធនធានទឹក និងឧតុនិយម បានបញ្ជាក់ថា ស្ថានភាពអាកាសធាតុ ចាប់ពី ថ្ងៃទី១២ ដល់ថ្ងៃទី១៥ ខែកុម្ភៈ ខាងមុខនេះ នឹងចុះត្រជាក់រហូតដល់១៥អង្សាសេ ពិសេសខេត្តរតនគិរី និងខេត្តមណ្ឌលគិរី។
ក្រសួងធនធានទឹក បន្ថែមថា ក្រៅពីខេត្តទាំង២ខាងលើនេះ ក៏នៅមានខេត្តមួយចំនួន ទៀតផងដែរ ដែលចុះត្រជាក់រួមមានខេត្តប៉ៃលិន ឧត្តរមានជ័យ និងខេត្តព្រះវិហារ។
ក្រសួងបញ្ជាក់ទៀតថា ក្នុងអំឡុងពេលនោះ ពុំមានភ្លៀងធ្លាក់ទេ តែមានធ្លាក់ខ្យល់ជំនោរនិងផ្ទៃមេឃមានសភាពអាប់អួរខ្លាំងដោយអ័ព្ទ និងទឹកសន្សើម ពិសេសនៅតំបន់ខ្ពស់រាប៕
