ការឃោសនាបោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ ចាប់ផ្តើមពីថ្ងៃនេះ
សារព័ត៌មាន Cambodia News/
ភ្នំពេញ (១៧ ឧសភា ២០១៩) ៖ គ.ជ.ប បានប្រកាសថា ចាប់ពីថ្ងៃទី១៧ឧសភានេះ ការឃោសនាបោះឆ្នោតក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ អាណត្តិទី៣ ឆ្នាំ២០១៩ បានចាប់ផ្ដើមហើយ ខណៈដែលគណបក្សភាគច្រើននឹងមិនហែក្បួរឃោសនាដូចការបោះឆ្នោតទូទៅនោះទេ ចំណែករយៈពេលនៃការឃោសនាបោះឆ្នោតគឺមានតែ៨ថ្ងៃប៉ុណ្ណោះ។
អ្នកនាំពាក្យគណៈកម្មាធិការជាតិរៀបចំការបោះឆ្នោតលោក ហង្ស ពុទ្ធា បានថ្លែងថា គណបក្សនយោបាយដែលចូលរួមការបោះឆ្នោតសុទ្ធតែបានត្រៀមខ្លួនធ្វើការឃោសនានៅទីតាំងរបស់ខ្លួន រួចរាល់ហើយដែរ ដោយបានជូនដំណឹងទៅកាន់គណៈកម្មការរាជធានី ខេត្ត រៀបចំការបោះឆ្នោតតាមនិតិវិធី ។
គួរម្លឹកថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ដែលនឹងធ្វើឡើងនាថ្ងៃទី២៦ឧសភា ឆ្នាំ២០១៩និងមានគណបក្សនយោបាយចូលរួមចំនួន៧រួមមាន គណបក្សប្រជាជនកម្ពុជា គណបក្សសញ្ជាតិកម្ពុជា ហ្វ៊ុនស៊ិនប៉ិច ខែ្មររួបរួមជាតិ យុវជនកម្ពុជា គណបក្សឆន្ទៈខ្មែរ និង គណបក្សខ្មែរសាធារណៈរដ្ឋ៕
