សម្តេចតេជោ ហ៊ុន សែន ៖ សន្តិភាព បានផ្សារភ្ជាប់ជាមួយគណបក្សប្រជាជនកម្ពុជា
សារព័ត៌មាន Cambodia News/
កណ្ដាល ៖ ក្នុងពិធីសំណេះសំណាល ជាមួយជាមួយ កម្មករ និយោជិត នៃរោងចក្រ សហគ្រាសចំនួន១០ មកពីស្រុកចំនួន២ គឺស្រុកស្អាង និងស្រុកកោះធំ ខេត្តកណ្ដាល នៅថ្ងៃទី៣០ឧសភា នេះ សម្តេចតេជោ ប្រមុខរាជរដ្ឋាភិបាលកម្ពុជា និងជាប្រធានគណបក្សប្រជាជនបានមានប្រសាសន៍ថា សន្តិភាព បានផ្សារភ្ជាប់ជាមួយគណបក្សប្រជាជនកម្ពុជា សន្តិភាព បានផ្សារភ្ជាប់ជាមួយសម្ដេចផ្ទាល់ ។
សម្តេច បញ្ជាក់ថា អ្វីៗដែលមានមកដល់សព្វថ្ងៃនេះ គឺបានមកពីការធ្វើពលិកម្ម គ្រប់បែបយ៉ាង ជាពិសេស តាមរយៈនយោបាយបង្រួបបង្រួមជាតិរបស់សម្តេចដែលបាននាំមកនូវសុខសន្តិភាព យ៉ាងពេញលេញ និងការអភិវឌ្ឍលើគ្រប់វិស័យ ជាពិសេសសម្តេចថា សន្តិភាពនេះ គឺបានផ្សារភ្ជាប់ជាមួយ នឹងគណបក្សប្រជាជន និងបានផ្សារភ្ជាប់ជាមួយនឹងសម្តេច។
ការណ៍ដែលសម្តេចបានលើកឡើងនូវបញ្ហានយោបាយ ទាក់ទិន នឹងការឃោសនា បែបនេះ បែបនោះ ដោយសារតែពេលនេះ ជារដូវឃោសនា ស្វែងរកសម្លេងឆ្នោតពីប្រជាពលរដ្ឋ ដែលរាល់ការឃោសនា នានា របស់បក្សក្រៅរដ្ឋាភិបាល តែងតែធ្វើឡើងតាម បែបភូតកុហក ខុសពីការពិត ដែលសម្តេចសុំឱ្យរាល់ការឃោសនា នានា ធ្វើឱ្យបានត្រឹមត្រូវតាមក្បួនខ្នាត៕
