កម្ពជាបង្កើតគម្រោងថាមពលពន្លឺព្រះអាទិត្យយក្សជាលើកដំបូង
សារព័ត៌មាន Cambodia News/
ភ្នំពេញ (០៧ កញ្ញា ២០១៧) ៖ រាជរដ្ឋាភិបាលកម្ពុជា បានបង្កើតឧទ្យានថាមពលពន្លឺព្រះអាទិត្យក្នុងកម្រិតថាមពល១០មេហ្គាវាត់ ជាលើកដំបូង នៅទីក្រុងបាវិតខេត្តស្វាយរៀង ដែលគម្រោងវិនិយោគលើថាមពលពន្លឺព្រះអាទិត្យយក្សនេះវិនិយោគដោយក្រុមហ៊ុនសិង្ហបុរី Sunseap Asset (Cambodia)។
ក្នុងដំណើការចុះនិពិត្យនៃគម្រោងវិនិយោគលើថាមពលពន្លឺព្រះអាទិត្យយក្សកាលពីថ្ងៃទី០៦ ខែកញ្ញា ឯកឧត្តម កែវ រតនៈ ប្រតិភូរាជរដ្ឋាភិបាលទទួលបន្ទុកជាអគ្គនាយកអគ្គិសនីកម្ពុជាបានឱ្យដឹងថា គម្រោងឧទ្យានថាម ពលពន្លឺព្រះអាទិត្យនេះ គឺជាគម្រោងថាមពលស្អាតមិនប៉ះពាល់ដល់បរិស្ថាន ហើយគម្រោងនេះ បង្ហាញឱ្យឃើញជាការបោះជំហ៊ានថ្មីមួយទៀតរបស់ប្រទេសកម្ពុជាក្នុងការទាញថាមពលអគ្គិសនីពីធម្មជាតិ បន្ទាប់ការទាញថាមពលពីវារីអគ្គិសនី។
សូមបញ្ជាក់ថា ការសាងសង់ ឧទ្យានថាមពលពន្លឺព្រះអាទិត្យនេះ ធ្វើឡើងលើទំហំផ្ទៃដី ២១ហិចតា ចំណាយអស់ទឹកប្រាក់ប្រមាណ១៤លានដុល្លារ ដោយក្រុមហ៊ុន លក់ថាមពលទៅឱ្យអគ្គិសនីកម្ពុជាក្នុងតម្លៃទាប ក្នុងរយៈពេល២០ឆ្នាំ៕
