ប្រធានាធិបតីសហរដ្ឋអាម៉េរិកប្រកាសសំណើរឹតបន្ដឹងច្បាប់គ្រប់អាវុធជាតិផ្ទុះ
លោកប្រធានាធិបតីសហដ្ឋអាម៉េរិក Barack Obama បានបើកបង្ហាញនូវសំណើធំៗមួយចំនួនដើម្បីរឹតបន្ដឹងច្បាប់គ្រប់ គ្រងអាវុធជាតិផ្ទុះដែលសហរដ្ឋអាម៉េរិកបានព្យាយាមបង្កើតឡើងអស់ រយៈពេលប្រមាណ២០ឆ្នាំមកហើយនោះ។
លោក Obama បានអំពាវនាវសុំឲ្យមានបម្រាមមិនឲ្យពលរដ្ឋមានកម្មសិទ្ធិលើ អាវុធធុនពាក់កណ្ដាលស្វាយប្រវត្តិ និងកាំភ្លើងមានបង់ចំណុះគ្រាប់ច្រើន រួមទាំងមានការត្រួតពិនិត្យឲ្យបានទូលំទូលាយលើប្រវត្តិរបស់អ្នក ទិញកាំភ្លើងផងដែរ។
ចំណែកឯសមាគមជាតិដើម្បីកម្មសិទ្ធិ និងការប្រើប្រាស់កាំភ្លើង (National Riffle Association) ដែលមានជំហរប្រឆាំនឹងច្បាប់ហាមឃាត់តឹងរ៉ឹងណាមួយនោះ និយាយថា សំណើទាំងពួងរបស់រដ្ឋាភិបាលអាម៉េរិកនោះ នឹងមិនអាចធានាការពារបានថាកុមារនឹងមានសុវត្ថិភាពពីឧក្រិដ្ឋ កម្មប្រើប្រាស់កាំភ្លើងនោះទេ។
ប៉ុន្តែលោក Barack Obama បានអំពាវនាវដល់ពលរដ្ឋអាម៉េរិក័ង សុំឲ្យដាក់សម្ពាធទៅលើតំណាងរាស្រ្តប្រចាំតំបន់របស់ខ្លួនដើម្បី រឹតបណ្ដឹងច្បាប់គ្រប់គ្រងកាំភ្លើង។
មានប្រតិកម្មពីប្រទេស អូស្រ្តាលីចំពោះការព្យាយាមធ្វើច្បាប់គ្រប់គ្រងអាវុធនៅអាម៉េរិក។ លោក Roland Browne ពីក្រុមគាំទ្រកាហាមប្រាមអាវុធនៅអូស្រ្តាលី Gun Control Australia បង្ហាញភាពសុទិដ្ឋនិយមថានឹងសហរដ្ឋអាម៉េរិកនឹងបានជោគជ័យក្នុងការ គ្រប់គ្រង។ ចំណែកលោកអតីតនាយករដ្ឋមន្រ្តីអូស្រ្តាលី John Howard នោះវិញក៏បានឆ្លៀតបង្ហើបឲ្យគេបានដឹងថាសម្រេចនូវគំរូល្អក្នុង ការគ្រប់អាវុធនៅអូស្រ្តាលី។ យ៉ាងណាមិញរបាយការណ៍ថាការនាំចូលអាវុធមកក្នុងប្រទេសអូស្រ្តាលីបាន កើនឡើងក្នុងរយៈពេល១០ឆ្នាំកន្លងទៅនេះ៕ (Radio Australia)