កម្មករការិនីរោងចក្រខេមបូខូថបស្លាប់ម្នាក់ ដួលសន្លប់ ១៣នាក់
សារព័ត៌មាន Cambodia News/
ភ្នំពេញ(១៤ មិនា ២០១៤)៖ កាលពីវេលាម៉ោង៩ព្រឹកថ្ងៃទី១៤ ខែមីនានេះ ស្ថិតនៅក្នុងបរិវេណរោងចក្រខេមបូ ខូថប នៅភូមិកន្ទោកជើង សង្កាត់ កន្ទោក ខណ្ឌពោធិ៍សែនជ័យ មានកម្មការិនី១៣នាក់បាន ដួលសន្លប់ជាបន្តបន្ទាប់ត្រូវបានភាគីក្រុមហ៊ុនដឹកបញ្ជូនទៅកាន់ មន្ទីរពេទ្យលោកសង្ឃនិងគ្លីនិកឯកជន ប៉ុន្តែក្នុងនោះកម្មការិនីម្នាក់បានស្លាប់បន្ទាប់ពីបញ្ជូនទៅដល់ មន្ទីរពេទ្យលោកសង្ឃ។
បើ តាម នគរបាលមូលដ្ឋានបានឲ្យដឹងថា ជនរងគ្រោះដែលស្លាប់នោះមានឈ្មោះ សុខ នីម ភេទស្រីអាយុ៣៣ឆ្នាំមានមុខរបរជាកម្មការិនីរោងចក្រខាងលើរស់នៅភូមិ ព្រៃងុល ឃុំមានជ័យ ស្រុកបសេដ្ឋ ខេត្តកំពង់ស្ពឺ រីឯកម្មការិនីចំនួន២៣នាក់ទៀតពុំត្រូវបានគេស្គាល់ឈ្មោះនោះទេ ហើយកំពុងសម្រាកព្យាបាលនៅគ្លីនិកឡាំប៊ុនថង និងមន្ទីរពេទ្យព្រះកុសុមហៅមន្ទីរពេទ្យលោកសង្ឃ។
នគរបាល ដដែលបានបន្តថា មុនពេលកើតហេតុមានកម្មការិនីម្នាក់ដួលសន្លប់សង្ស័យជំងឺខ្សោយបេះដូង ត្រូវបានភាគីក្រុមហ៊ុនដឹកបញ្ជូនទៅកាន់មន្ទីរលោកសង្ឃដើម្បី ជួយសង្គ្រោះអាយុជីវិត ប៉ុន្តែជាអកុសលពេលបញ្ជូនទៅដល់មន្ទីរជនរងគ្រោះក៏ដាច់ខ្យល់ស្លាប់ តែម្តងទៅ។
ប្រភពក្រៅផ្លូវការបាននិយាយថា ករណីកម្មការិនីដួលសន្លប់និងស្លាប់នេះ គឺបណ្តាលមកពីមានសារធាតុពុលបរិស្ថាននៅក្នុងរោងចក្រ ពីព្រោះប្រសិនត្រឹម ជំងឺខ្សោយបេះដូងមិនទាន់អាចស្លាប់យ៉ាងឆាប់រហ័សបែបនោះទេ។
ប៉ុន្តែ ទោះបីជាយ៉ាងក៏ពុំមានប្រភពមួយណាបញ្ជាក់ឲ្យបានច្បាស់លាស់ អំពីហេតុការអំពីការ ដួលសន្លប់ និងស្លាប់របស់កម្មការិនីនេះដែរ ដោយនគរបាលជំនាញកំពុងតែពិនិត្យនិងធ្វើកោសល្យវិច័យលើសាកសពដើម្បី ស្វែងរកការពិត៕
