នាយករដ្ឋមន្រ្តីថៃស្នើក្រុមប្រឹក្សាកំណែទម្រង់ជាតិជួយដោះស្រាយវិបត្តិនយោបាយ
លោកស្រី យីងឡាក់ ស៊ីណាវ៉ាត្រនាយករដ្ឋមន្រ្តីថៃបានស្នើឲ្យក្រុមប្រឹក្សាកំណែទម្រង់ ជាតិដែលទើបនឹងបង្កើតថ្មី ជួយស្វែងរកច្រកចេញពីវិបត្តិនយោបាយដែលកំពុងជាប់គាំងក្នុង ប្រទេស។
លោកស្រី យីងឡាក់ ស៊ីណាវ៉ាត្រ បានប្រកាសតាមទូរទស្សន៍ថៃថា ក្រុមប្រឹក្សាកែទម្រង់ជាតិ នឹងផ្តល់មធ្យោបាយមួយចំនួនដើម្បីកែទម្រង់ប្រព័ន្ធនយោបាយក្នុង ប្រទេស។
លោកស្រីមានប្រសាសន៍ថា ក្រុមប្រឹក្សាកំណែទម្រង់មួយនេះអាចផ្តល់មធ្យោបាយបានឆាប់ក្នុង រយៈពេលយ៉ាងយូរពីរបីសប្តាហ៍ទៀត ហើយបានសន្យាថា នឹងអនុវត្តតាមសំណើទាំងឡាយដែលក្រុមប្រឹក្សានេះដាក់ជូន។
យ៉ាង ណាមិញ សេចក្តីប្រកាសនេះដែលបានចេញឡើងប៉ុន្មានអាទិត្យក្រោយការធ្វើ មហាបាតុកម្មប្រឆាំងរដ្ឋាភិបាលនោះ ត្រូវបានក្រុមបាតុករច្រានចោលភ្លាមៗ៕ (Radio Australia)
