សម្តេចតេជោ ប្រតិកម្មនឹងអ្នកវិភាគខ្លះដែលរិះគន់សម្តេចប្រតិកម្មទៅទូតអាមេរិក
សារព័ត៌មាន Cambodia News/
ស្ទឹងត្រែង (២៥ កញ្ញា ២០១៧) ៖ ខណៈអញ្ជើញជាអធិបតីដ៏ខ្ពង់ខ្ពស់ក្នុងពិធីបិទទ្វារទឹកទំនប់វារីអគ្គិសនីសេសានក្រោម២នៅខេត្តស្ទឹងត្រែង នាព្រឹកថ្ងៃទី២៥ខែកញ្ញានេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានប្រតិកម្មតបទៅ នឹងអ្នកវិភាគដែលរិះគន់សម្តេចទាក់ទិននឹងបញ្ហាដែលសម្តេចបានប្រតិកម្មទៅ នឹងឯកអគ្គរដ្ឋទូតសហរដ្ឋអាមេរិកប្រចាំកម្ពុជា។
ដោយសារថ្ងៃម្សិលមិញជាថ្ងៃដែលប្រកាសឱ្យប្រើរដ្ឋធម្មនុញ្ញ ប្រមុខរាជរដ្ឋាភិបាលកម្ពុជា បានប្រតិកម្មតបទៅ នឹងអ្នកវិភាគខ្លះដែលរិះគន់សម្តេចទាក់ទិននឹងបញ្ហាដែលសម្តេចបានប្រតិកម្មទៅ នឹងឯកអគ្គរដ្ឋទូតសហរដ្ឋអាមេរិកប្រចាំកម្ពុជា កន្លងមកនេះ ថា មុននឹងប្រតិកម្មទៅទូតបរទេសគួរតែប្រជុំរដ្ឋសភាជាមុនសិន ហើយសម្តេចថា អ្នកវិភាគនោះខ្លួនជាបណ្ឌិតទៅទៀត ហើយហ៊ានធ្វើការបកស្រាយរដ្ឋធម្មនុញ្ញ ដែលជាសិទ្ធិផ្តាច់មុខ របស់ក្រុមប្រឹក្សាធម្មនុញ្ញ។
ជាមួយសម្តេចតេជោ ប្រមុខរាជរដ្ឋាភិបាលកម្ពុជា បានរម្លឹកពីការខិតខំរបស់រាជរដ្ឋាភិបាលក្នុងការអភិវឌ្ឍតាមផែនការដ៏ជាក់លាក់ លើគ្រប់វិស័យ ជាពិសេសវិស័យអាទិភាពទាំង៤ «មនុស្ស ទឹក ផ្លូវ ភ្លើង» ហើយអំពីវិស័យថាមពលអគ្គិសនីនេះ សម្តេចថា នៅឆ្នាំ២០២២ រាជរដ្ឋាភិបាលមានផែនការធ្វើឱ្យប្រជាពលរដ្ឋនៅគ្រប់ភូមិទូទាំងប្រទេសមានអគ្គិសនីប្រើប្រាស់៕
