គឺខុសនឹងច្បាប់ បើទីតាំងបញ្ចាំណាបើក២៤ម៉ោងលើ២៤ម៉ោង
សារព័ត៌មាន Cambodia News/
ភ្នំពេញ (២៩ ធ្នូ ២០១៧) ៖ ការរក្សាសន្តិសុខជូនដល់ប្រជាពលរដ្ឋ គឺត្រូវបានរឹតបន្តឹងបន្ថែម ក្នុងនោះគឺផ្ដោតនូវទីតាំងទទួលផលចោរកម្មផ្សេងៗ ដែលក្នុងនោះរួមមាន ទីតាំងបញ្ចាំ២៤ម៉ោងលើ២៤ម៉ោង។ ជាការកត់សម្គាល់មានទីតាំងហាងបញ្ចាំមួយចំនួនបានបើកទទួលបញ្ចាំ២៤ម៉ោងលើ២៤ម៉ោង ហើយ ទីតាំងបញ្ចាំខ្លះបានលួចលាក់ទទួលបញ្ចាំនូវទ្រព្យសម្បត្តិ ដែលជាបទល្មើស ជាហេតុនៅតែបង្កភាពអសន្តិសុខដល់សង្គម។
ទោះបីយ៉ាង អភិបាលរាជធានី បានណែនាំរួមមកហើយ ឲ្យបណ្ដាខណ្ឌទាំង១២ ចំណុះឲ្យរាជធានីភ្នំពេញ ធ្វើយ៉ាងណាត្រូវត្រួតពិនិត្យតាមហាងបញ្ចាំដែលមានក្នុងមូលដ្ឋានរបស់ខ្លួន ហើយក្រោយពីត្រួតពិនិត្យក៏ត្រូវតាមដានជាប់ជាប្រចាំផងដែរថា តើទីតាំងបញ្ចាំទាំងនោះ បានចូលរួមប្រព្រឹត្តបទល្មើសដែរ ឬទេ ការចូលរួម គឺក្នុងរូបភាពទទួលយករបស់របរពីចោរ តាមរយៈការទទួលបញ្ចាំ ដែលគ្មានឯកសារ៕
