ប្ដីញៀនថ្នាំយកកាំបិតអារ.កប្រពន្ធបណ្ដាលឲ្យស្លាប់រួចព្យាយាមអារ.កខ្លួនឯងតាមក្រោយតែមិនស្លាប់
សារព័ត៌មាន Cambodia News/
ភ្នំពេញ (០៧ វិច្ចិកា ២០១៧) ៖ ប្ដីញៀនថ្នាំដែលទើបចេញពីគុកបាន៦ថ្ងៃ យកកាំបិតអារ.កប្រពន្ធបណ្ដាលឲ្យស្លាប់ក្នុងថ្លុកឈាមពេលមានជម្លោះក្នុងគ្រួសារ រីឯប្តីបានព្យាយាមអារ.កឲ្យស្លាប់ខ្លួន ឯង តែមិនស្លាប់ ហើយជនបង្កបានគំរាមកាប់សមត្ថកិច្ចនាំអោយសមត្ថកិច្ចផ្ទុះអាវុធ១គ្រាប់ ដើម្បីបញ្ឈប់សកម្មភាព ទីបំផុតជនបង្កបានលោតពីលើដំបូលផ្ទះរងរបួសធ្ងន់ ។
បើតាមវេបសាយនគរបាលជាតិ ហេតុការណ៍នេះ បានកើតឡើងកាលពីវេលាម៉ោង៦ព្រឹក ថ្ងៃទី៧ ខែវិច្ឆិកា ឆ្នាំ២០១៧ ស្ថិតនៅតាមផ្លូវលំ ក្រុម៥ ផ្ទះលេខ៨៩៩ បន្ទប់ជួល២បេ ជាន់ទី១ ភូមិថ្មគោល១ សង្កាត់ចោមចៅ២ ខណ្ឌពោធិ៍សែនជ័យ។ ជនបង្កជាប្តីឈ្មោះ ចាន់ ជីវី អាយុ៣០ឆ្នាំ ជាមនុស្សញៀនថ្នាំ ទើបចេញពីគុកបាន៦ថ្ងៃ ។ ចំណែកប្រពន្ធ មានមុខរបរដើរស៊ីឈ្នួល ចាក់នំគ្រក់ឲ្យគេ ក្នុងភូមិ។
តាមសម្តីម្ចាស់ផ្ទះជួលបានឲ្យដឹងថា ប្តីប្រពន្ធខាងលើ ទើបតែមកជួលបន្ទប់គាត់បាន៦ថ្ងៃស្រាប់តែនៅព្រឹកកើត ហេតុជនបង្កជាប្តីបានឈ្លោះជាមួយប្រពន្ធពេញបន្ទប់ ហើយក៏ផ្អើលដល់អ្នកក្បែរខាងឡើងទៅមើល ស្រាប់តែជនបង្កកាន់កាំបិត២ កូនកាំបិត១ និងបុ័ងតោ១ គំរាមកាប់ មកលើពលរដ្ឋ បើអ្នកណាហ៊ានចូលក្បែរ ទើបបង្កឲ្យ ឆោរឡោឡើង៕
