ក្រុមហ៊ុនអាកាសចរណ៍របស់ចិននឹងបើកការហោះហើរទៅក្រុង Cairns ក្នុងប្រទេសអូស្ត្រាលី
នាយករដ្ឋមន្ត្រីអូស្ត្រាលី លោក Kevin Rudd មានប្រសាសន៍ថា ក្រុមហ៊ុនអាកាសចរណ៍ដ៏ធំមួយរបស់ចិន បានយល់ព្រមចាប់ផ្តើមការហោះហើរចូលតំបន់ភាគខាងជើងរបស់រដ្ឋ Queensland។
ក្រុមហ៊ុន China Southern ដំណើរការហោះហើរជាប្រចាំថ្ងៃ ទៅក្រុង Brisbane ហើយលោក Kevin Rudd មានប្រសាសន៍ថា ក្រុមហ៊ុនអាកាសចរណ៍នេះ បានបង្ហាញសញ្ញាថានៅពេលនេះ ខ្លួននឹងពង្រីកសេវា ដោយបញ្ចូលការហោះហើរទៅក្រុង Cairns ផងដែរ។
លោក Kevin Rudd មានប្រសាសន៍ផងដែរថា ការកើនឡើងខ្លាំងនៃចំនួនអ្នកទេសចរមកពីប្រទេសចិន ទើបតែជាការចាប់ផ្តើមក្នុងប្រទេសអូស្ត្រាលី៕ (Radio Australia)
