រដ្ឋមន្ត្រីក្រសួងព័ត៌មានចង់ឲ្យអ្នកបើកបររថយន្តថ្នាក់ដឹកនាំរៀនច្បាប់ចរាចរណ៍ឡើងវិញ
សារព័ត៌មាន Cambodia News/
ភ្នំ ពេញ (២៧ មករា ២០១៦) ៖ ថ្លែងនៅចំពោះមុខអ្នកសារព័ត៌មាន ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មានបានមានប្រសាសន៍ថា លោកចង់ឲ្យអ្នក បើកបររថយន្តថ្នាក់ដឹកនាំទាំងអស់ចាប់ពីថ្នាក់រដ្ឋមន្ត្រីដល់អ្នកតំណាងរាស្រ្តមករៀនពីច្បាប់ ចរាចរណ៍ផ្លូវគោកព្រោះអ្នកទាំងនោះ មិនទាន់យល់ដឹងពីច្បាប់ចរាចរណ៍នៅឡើយ។
ឯកឧត្តម បន្តថា ការដែល ចង់ឲ្យអ្នក បើកបររថយន្តថ្នាក់ដឹកនាំទាំងអស់ចាប់ពីថ្នាក់រដ្ឋមន្ត្រីដល់អ្នកតំណាងរាស្រ្តមករៀនពី ច្បាប់ចរាចរណ៍ផ្លូវគោកនេះ ដោយជារ៉ើយៗគេសង្កេតឃើញមានរថយន្តដែលមានស្លាកលេខ រដ្ឋ រដ្ឋសភា ព្រឹទ្ធសភា នឹងរាជរដ្ឋាភិបាលរួមទាំងស្លាកលេខ ខម នបផងដែរដែលបានធ្វើចរាចរណ៍ក្នុងរាជធានីភ្នំពេញមានលក្ខណៈខ្វះ សណ្តាប់ធ្នាប់បើកមិនគោរពច្បាប់ បញ្ច្រាស់ទិស មិនគោរពភ្លើងសញ្ញា ដោយអាងស្លាក់រថយន្តផង។
បញ្ហា នេះបានធ្វើឲ្យមហាជនមានការរិះគន់យ៉ាងខ្លាំងចំពោះសកម្មភាព អវិជ្ជមានមួយចំនួនដែលបង្កដោយអ្នកបើកបររថយន្ត ថ្នាក់ដឹកនាំមួយចំនួនចាប់រដ្ឋលេខាធិការ រដ្ឋមន្ត្រី រដ្ឋសភា ព្រឹទ្ធសភាឡើងទៅ ហើយក៏ជាគំរូដ៏អាក្រក់មួយសំរាប់សង្គមកម្ពុជាបច្ចុប្បន្ន ដែលអ្នកធំមិនគោរពច្បាប់ឲ្យតែអ្នកតូចគោរពច្បាប់៕
