កន្លែងទាំង១០ ដែលអ្នកមិនគួរទុកទូរស័ព្ទ
សារព័ត៌មាន Cambodia News/
សុខភាព (២៩ ធ្នូ ២០១៧) ទូរស័ព្ទ បានក្លាយជាឧបករណ៍មួយដែលតែងតែនៅជាប់ជាមួយមនុស្សស្ទើរតែគ្រប់ពេលគ្រប់វេលា រហូតដល់សូម្បីអ្នកខ្លះទៅបន្ទប់ទឹកក៏យកទៅតាមខ្លួនដែរ។ ដោយសារវាជាមិត្តជិតស្និទ្ធនឹងមនុស្សបែបនេះហើយ អ្នកក៏គួរតែដឹងពីរបៀបថែរក្សា និងទុកដាក់ទូរស័ព្ទឱ្យបានត្រឹមត្រូវផងដែរ ចៀសវាងមានបញ្ហាកើតឡើងចំពោះអាយុជីវិត និងសុខភាព។
កន្លែងទាំង១០ ដែលអ្នកមិនគួរទុកដាក់ទូរស័ព្ទ ព្រោះវាមិនមានសុវត្ថិភាព និងផ្តល់ផលប៉ះពាល់ដល់សុខភាពរបស់អ្នក៖
១.ហោប៉ៅក្រោយ
នៅពេល ដែលអ្នកទុកទូរស័ព្ទនៅក្នុងហោប៉ៅក្រោយ អាចនឹងងាយប៉ះកញ្ចក់វាដោយអចេតនាខលទៅអ្នកណាម្នាក់ ឬខាងសង្គ្រោះបន្ទាន់ជាដើម។
២.ហោប៉ៅខោខាងមុខ
ដោយសារតែបុរសគ្មានកាបូបយួរដៃដូចនារី បានជាធ្វើឱ្យការដាក់ទូរស័ព្ទនៅក្នុងហោប៉ៅខោខាងមុខ បានក្លាយជាទីពេញនិយមរបស់បុរស។ តែការធ្វើបែបនេះបែរជាអាចធ្វើឱ្យប៉ះពាល់ដល់សុខភាពបុរសយ៉ាងធ្ងន់ធ្ងរទៅវិញ ដោយសារតែធាតុវិទ្យុសកម្មក្នុងទូរស័ព្ទ
៣. អាវទ្រនាប់
ការទុកទូរស័ព្ទនៅក្នុងបរិវេណដើមទ្រូងបែបនេះ ជាមូលហេតុបណ្តាលឱ្យអ្នកប្រឈមមុខ នឹងជំងឺមហារីកសុដន់បាន។ ដូច្នេះដើម្បីការពារ និងបង្កាហានិភ័យទាំងឡាយ អ្នកមិនគួរដាក់ទូរស័ព្ទនៅបរិវេណដើមទ្រូងសោះឡើយ។
៤.ត្រគាក
ការដាក់ទូរស័ព្ទក្បែភ្លៅ និងត្រគាក ត្រូវបានគេស្រាវជ្រាវរកឃើញថា អ្នកមានផលប៉ះពាល់ដល់ឆ្អឺងត្រគាករបស់អ្នកបាន។
៥. ផ្អឹបនឹងផ្ទៃមុខ
អ្នកមិនគួរប្រើទូរស័ព្ទដោយនិយាយផ្អឹបជាប់ផ្ទាល់នឹងស្បែកមុខរបស់អ្នកពេកនោះទេ យ៉ាងហោចណាស់ ក៏គួរតែរក្សាគម្លាតឱ្យបាន ០.៥ ទៅ ១.៥ សង់ទីម៉ែត្រពីស្បែក និងផ្ទៃមុខរបស់អ្នកដែរ។
៦.ឆ្នាំងសាកទូរស័ព្ទ
ការទុកទូរស័ព្ទសាកថ្មចោលយូរម៉ោងពេក បើទោះជាវាមានថ្មកាន់ពេញក៏ដោយ អាចធ្វើឱ្យថ្មទូរស័ព្ទរបស់អ្នកខូចគុណភាព ឡើងកម្តៅ ថែមទាំងអាចបង្កជាហានិភ័យផ្សេងៗជា យថាហេតុបានផងដែរ។
៧. កន្លែងដែលត្រជាក់ខ្លាំង
ចៀសវាងបញ្ហា អ្នកគួរតែរក្សាទុកទូរស័ព្ទរបស់អ្នកកុំឱ្យប៉ះនឹងអាកាសធាតុត្រជាក់ពេក ឬអ្នកអាចប្រើស្រោមទូរស័ព្ទការពារបន្ថែមក៏បាន
៨.កន្លែងក្តៅ
អាកាសធាតុក្តៅក៏អាចធ្វើឱ្យប៉ះពាល់ដល់គ្រឿងក្នុងអេឡិចត្រូនិចរបស់ទូរស័ព្ទផងដែរ។ ដូច្នេះអ្នកមិនគួរទុកទូរស័ព្ទនៅក្រោមកម្តៅដែលក្តៅខ្លាំង នៅក្នុងឡាន នៅមាត់សមុទ្រ ឬសូម្បីតែដាក់ក្បែរចង្ក្រាន។
៩.រទេះរុញក្មេង
ដាក់ទូរស័ព្ទនៅក្នុងរទេះរុញរបស់កូន អាចធ្វើឱ្យប៉ះពាល់ និងអសុវត្ថិភាពសម្រាប់កូនៗបាន ដោយវាធ្វើឱ្យក្មេងមានបញ្ហាខួរក្បាល និងអាកប្បកិរិយាដូចជា ពិបាកផ្ចង់អារម្មណ៍ រួមទាំងមានអារម្មណ៍ឯកាដូចខ្វះការស្រលាញ់ និងយកចិត្តទុកដាក់ពីម្តាយជាដើម។
១០. ក្រោមខ្នើយ
ការដាក់ទូរស័ព្ទក្រោមខ្នើយគេងរយៈពេលយូរ អាចធ្វើឱ្យធាតុវិទ្យុសកម្មសាយភាយចេញមក ធ្វើឱ្យអ្នកមានបញ្ហាឈឺក្បាល និងវិលមុខផងដែរ។ មួយទៀត នៅពេលដែលទូរស័ព្ទមានបញ្ហាដូចជាផ្ទុះ ឬឆេះ នឹងធ្វើឱ្យប៉ះពាល់ និងបង្កើនហានិភ័យដល់អាយុជីវិតរបស់អ្នកផងដែរ៕
