លោកឈូកបណ្ឌិតបន្តលាក់ខ្លួនខណៈតុលាការចេញដីកាកោះហៅ
ព្រះរាជអាជ្ញាសាលាដំបូងខេត្តស្វាយរៀង លោក ហ៊ឹង ប៊ុនជា បាននិយាយថា លោកបានចេញដីកាកោះហឿលោក ឈូក បណ្ឌិត អភិបាលក្រុងបាវិត ឲ្យមកបំភ្លឺនៅសាលាដំបូងខេត្ត នាថ្ងៃទី១៦ មីនា ខាងមុខនេះពាក់ព័ន្ធនឹងការសង្ស័យផ្ទុះអាវុធទៅលើកម្មកររោងចក្រកៅវ៉េ ៣ នាក់ឲ្យរងរបួសជាទម្ងន់ក្នុងពេលតវ៉ាមួយ កាលពីថ្ងៃទី ២០ កុម្ភៈ ឆ្នាំ២០១២។
លោកបានបន្តថា ក្រោយពេលសាកសួររួច ព្រះរាជអាជ្ញានឹងចោទប្រកាន់ ហើយលោកត្រូវចាត់ការករណីនេះ ដោយប្រយ័ត្នប្រយែង។ ប៉ុន្តែនៅពេលនេះសមត្ថកិច្ចមិនទាន់ដឹងថា លោកឈូក បណ្ឌិត កំពុងស្នាក់នៅទីណាឡើយ។
អធិការនគរបាលក្រុងបាវិត លោក កែវ គង់ បាននិយាយកាលពីម្សិលមិញថា លោកពុំទាន់បានទទួលដីកាកោះហៅពីតុលាការនៅឡើយទេ បើទទួលបានលោកនឹងបញ្ជាឲ្យមន្ត្រីរបស់លោកយកដីកានោះទៅកាន់ផ្ទះលោក ឈូក បណ្ឌិត ភ្លាម ប៉ុនតែនៅពេលនេះលោកមិនបានដឹងថា លោកឈូក បណ្ឌិត នៅឯណានោះទេ៕