កំពុងជិះម៉ូតូដួល ត្រូវរថយន្តកិនពីលើថែមស្លាប់
Cambodia News
ភ្នំពេញ ៖ កាលពីវេលាម៉ោង២០ នឹង ០០នាទីយប់ថ្ងៃទី ០៣ ខែឧសភា យុវជនម្នាក់បានស្លាប់បាត់បង់ជីវិត ដោយសារហេតុការណ៍គ្រោះថ្នាក់ចរាចរណ៍មួយ នៅតាមបណ្ដោយផ្លូវជាតិលេខ ១ ត្រង់ចំណុចមុខសាលាសង្កាត់ វាលស្បូវ ស្ថិតក្នុងភូមិវាលស្បូវ សង្កាត់វាលស្បូវ ខណ្ឌមានជ័យ។
យុវជនដែលស្លាប់បាត់បង់ជីវិតខាងលើនេះឈ្មោះ អឿង សុខលីន អាយុ ២០ ឆ្នាំ រីឯអ្នករងរបួសឈ្មោះ កុសល សម្បត្តិ អាយុ ១៩ ឆ្នាំ ទាំងពីរនាក់ស្នាក់នៅជិតចំណុចកើតហេតុតែម្តង ។
មុនពេលកើតហេតុពួកគេបាននាំគ្នាជិះម៉ូតូមួយគ្រឿងម៉ាក សងប៊ិច ពណ៌ខ្មៅ ពាក់ស្លាកលេខ ភ្នំពេញ1BF ២៥៧៧ ធ្វើដំណើរតាមបណ្ដោយផ្លូវជាតិលេខ១ ក្នុងទិសដៅពីលិចទៅកើត លុះដល់ចំណុចកើតហេតុឈ្មោះ អឿង សុខលីន ដែលជិះពីក្រោយបានយកជើងជាន់ជន្ទួលអូសជាមួយផ្លូវជាតិបណ្ដាលឲ្យ ដួលម៉ូតូបោកខ្លនស្លាប់ភ្លាមៗនៅកន្លែងកើតហេតុ។
គួរបញ្ជាក់ថាករណីខាងលើនេះសមត្ថកិច្ចបានចុះវាស់វែងដកហូតម៉ូតូ យុវជនរងគ្រោះនឹងឃាត់រថយន្តកូរ៉េមួយគ្រឿងនាំយកទៅកាន់អធិការដ្ឋាន នគរបាលខណ្ឌ មានជ័យ ពាក់ព័ន្ធនឹងលេចឮព័ត៌មានថាបានបើកបរកិនយុវជនរងគ្រោះស្លាប់ ៕ ហេង នាង
