ម៉ូតូបុកម៉ូតូបណ្ដាលឲ្យបុរសម្នាក់រងរបួសរលាត់ខ្មងជើង
ភ្នំពេញ៖ កាលពីវេលាម៉ា១១និង០៥នាទីព្រឹកថ្ងៃទី១២ ខែកុម្ភៈ បុរសម្នាក់បានរងរបួសរលាត់ខ្មងជើងខាងស្តាំដោយសារតែម៉ូតូមួយ គ្រឿងទៀតបុក នៅចំណុចផ្លូវ២១១កេងនិងផ្លូវលេខ១៨២ ស្ថិតក្នុងសង្កាត់វាលវង់ ខណ្ឌ៧មករា។
សាក្សីបានឲ្យដឹងថា បុរសម្នាក់ជិះម៉ូតូមួយគ្រឿងម៉ាកអ៊ែប្លែក ពណ៌ខ្មៅលាយក្រហម ពាក់ស្លាក់លេខភ្នំពេញ 1AH-1378 ធ្ងើដំណើរតាមបណ្ដោយផ្លូវលេខ១៨២ ក្នុងទិសដៅពីលិចទៅកើតក្នុងល្បឿនលឿន លុះមកដល់ចំណុច កើតហេតុម៉ូតូអ៊ែប្លែកបានចាប់ហ្វ្រាំងអូសចម្ងាយ៥ម៉ែត្រដោយសារតែ ឃើញបុរសម្នាក់ទៀតជិះម៉ូតូមួយគ្រឿងសង់កូរ៉េ ពណ៌ក្រហម ពាក់ស្លាកលេខ 1F-4896 តាមបណ្ដោយផ្លូវលេខ២១១ ក្នុងទិសដៅពីជើងទៅត្បូងតែដោយសារចាប់ហ្វ្រាំងមិនឈ្នះក៏ជ្រុល ទៅបុកម៉ូតូសង់កូរ៉េបណ្ដាលឲ្យដួលនៅចំណុចផ្លូវកែងនេះតែម្តង ។
ក្រោយកើតហេតុភាគីម៉ូតូអ៊ែរប្លែកសង់១០ដុល្លារទៅសឲ្យម៉ូតូសង់កូរ៉េដើម្បីបញ្ចប់រឿង ៕ ហេង នាង
