សម្តេចតេជោ ហ៊ុន សែន ៖ បណ្ដាបក្សនយោបាយ ត្រូវគោរពដល់សិទ្ធិប្រជាពលរដ្ឋ និងប្រជាធិបតេយ្យ
សារព័ត៌មាន Cambodia News/
ភ្នំពេញ ៖ ថ្លែងក្នុងពិធីសម្ពោធអគារសិក្សា និងប្រគល់សញ្ញាបត្រ ជូនដល់និស្សិតនៃវិទ្យាស្ថានបច្ចេកវិទ្យាកម្ពុជា (ITC) ថ្ងៃទី០១ ខែមីនា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្រ្តីកម្ពុជា និងជាប្រធានគណបក្សប្រជាជនកម្ពុជា បានអំពាវនាវដល់បណ្ដាបក្សនយោបាយ ឱ្យគោរពដល់សិទ្ធិប្រជាពលរដ្ឋ និងប្រជាធិបតេយ្យ។
សម្ដេចតេជោបានលើកឡើងថា កន្លងមកក្រុមយុវជន សង្គមស៊ីវិល ដែលធ្លាប់គាំទ្របក្សប្រឆាំង និងរិះគន់រាជរដ្ឋាភិបាល ប៉ុន្ដែពេលនេះពួកគេបែរមកគាំទ្រសកម្មភាព និងការងារជាមួយរាជរដ្ឋាភិបាល បែរជាក្រុមបក្សនយោបាយប្រឆាំងទាំងនោះនាំគ្នារិះគន់ និងប្រមាថដល់ពួកគេទៅវិញ ដែលសកម្មភាពនេះគ្មានការគោរពលទ្ធិប្រជាធិបតេយ្យពិតប្រាកដនោះទេ។
សម្តេចតេជោ ហ៊ុន សែន ក៏បានប្រកាសផ្តាំផ្ញើដល់ក្រុមជ្រុលនិយមមួយចំនួន សូមកុំវាយតម្លៃអតីតអ្នកប្រឆាំងមកចូលរួមជាមួយគណបក្សប្រជាជនកម្ពុជាថា ជាអ្នកលក់ខ្លួន ឬលក់ក្បាលឱ្យគណបក្សប្រជាជនកម្ពុជា។ សម្តេចអំពាវនាវ «សូមផ្តល់តម្លៃដល់មនុស្សគ្រប់គ្នា ក្នុងឋានៈដែលខ្លួនប្រកាសក្តែងៗថាជាប្រជាធិបតេយ្យ សេរី៕
