សន្និសីទស្ដីអំពីចក្ខុវិស័យប្រទេសកម្ពុជានាឆ្នាំ២០១៣
ភ្នំពេញ៖ ថ្ងៃទី២០ កុម្ភៈ ២០១៣នេះ លោក ហ៊ុន សែន នាយករដ្ឋមន្រ្តីកម្ពុជា បានថ្លែងនៅក្នុងសន្និសីទស្ដីអំពីចក្ខុវិស័យប្រទេសកម្ពុជានាឆ្នាំ២០១៣ ថា ប្រទេសកម្ពុជាមានកំណើនសេដ្ឋកិច្ចជាមធ្យមប្រមាណ៥ ភាគរយ ក្នុងរយៈពេលជិតប្រាំចុងក្រោយនេះ។
លោកនាយករដ្ឋមន្រ្តីបានបន្តថា ប្រទេសកម្ពុជាត្រូវការពេលវេលានិងការវិនិយោគបន្ថែមទៀតដល់ ការអភិវឌ្ឍសេដ្ឋកិច្ចជាតិ តាមរយៈការបណ្តុះបណ្តាលធនធានមនុស្សថែមទៀត។
សន្និសីទនេះ សហការរៀបចំឡើងដោយធនាគារឯកជនមួយ និងវិទ្យាស្ថានបណ្តុះបណ្តាល និង ស្រាវជ្រាវដើម្បីអភិវឌ្ឍន៍កម្ពុជា (CDRI) ដែលជាវិទ្យាស្ថានកម្ពុជា ឯករាជ្យ ឈានមុខសម្រាប់ការស្រាវជ្រាវពីគោលនយោបាយអភិវឌ្ឍន៍៕
