ទទួលទានតែត្រជាក់រាល់ថ្ងៃប្រឈមក្រួសក្នុងតម្រងនោម
សារព័ត៌មាន Cambodia News/
សុខភាព (១៧ មិថុនា ២០១៥) ៖ ពេលអាកាសធាតុក្ដៅ អ្នកណាក៏ចង់រកភេសជ្ជៈ តែត្រជាក់ៗ មកទទួលទានឲ្យបាត់ក្ដៅ ប៉ុន្ដែ សម្រាប់មនុស្សមួយចំនួន មិនថាក្ដៅ ឬត្រជាក់ ត្រូវកុម្ម៉ង់តែត្រជាក់រាល់ថ្ងៃ ប៉ុន្ដែ ដឹងឬទេថា ការទទួលទានតែត្រជាក់ ជាប្រចាំអាចបង្កទុក្ខទោសដល់សុខភាពបាន។
ក្នុងតែត្រជាក់មានអាស៊ីដអុកសាលីក ប្រមូលផ្ដុំច្រើន បង្កឲ្យកើតជាកំណកតូចៗរបស់សារធាតុរ៉ែ និងអំបិល ក្នុងទឹកនោម នៅពេលវាធំឡើងៗរហូតទៅតោងជាប់ នឹងបំពង់ទឹកនោម នៅប្លោកនោម អាចធ្វើឲ្យកើតក្រួសក្នុងតម្រងនោមបាន។
ក្នុងតែក្ដៅក៏មានអាស៊ីដអុកសាលីកដែរ ប៉ុន្ដែឳកាសបង្កឲ្យកើតក្រួសក្នុងតម្រងនោម មិនមែនជាការងាយ ដូចក្នុងតែត្រជាក់ទេ៕
