យូរី រងការវាយប្រហារពីប្រព័ន្ធផ្សព្វផ្សាយវៀតណាម
សារព័ត៌មាន Cambodia News/
ភ្នំពេញ (១២ មីនា ២០១៥) ៖ ព្យុះរិះគន់បានផ្ទុះឡើងសាជាថ្មីទៅលើពិភពតន្ត្រីខ្មែរ នៅពេលដែលប្រព័ន្ធផ្សព្វផ្សាយវៀត ណាមបានចំអកឡកឡឺយ លើការសម្ដែងក្បាច់រាំ និងសាច់ភ្លេង ក្នុងបទរបស់តារាចម្រៀងសាន់ដេកញ្ញា យូរី នៅឆាកតន្ត្រីពីខេត្តរតនគិរីប៉ុន្មានថ្ងៃមុននេះ។
បណ្ដាញព័ត៌មានវៀតណាម វាយប្រហារថាសាច់ភ្លេង និង ក្បាច់រាំ របស់តារាពូកែលេងស្តាយ៍សក់ មុខ និងសំលៀកបំពាក់ យូរី គឺពិតជាបានចម្លងចេញពីបទល្បីកក្រើករបស់វៀតណាម Vũ điệu cồng chiêng។
ព័ត៌មានវៀតណាមនិយាយបែបបង្អាប់ទៀតថា ស្ទីលរាំបទ I will dance for ever របស់យូរី នេះជា Version ខ្មែរនៃបទ Vũ điệu cồng chiêng ដែលទទួលការពេញនិយមភ្លូកទឹកដី តាមរយៈសាច់ភ្លេងរណ្ដំ និងចង្វាក់រាំដ៏សិចស៊ី រហូតមានការថតវីដេអូ Cover រាប់ភ្លេចពីយុវវ័យវៀតណាម៕
