សម្តេច ហ៊ុន សែន សុខចិត្តចេញជំនួសបើទូរទស្សន៍ណាគ្មានលុយជួលអ្នកបកប្រែភាសា «គថ្លង់ »
សារព័ត៌មាន Cambodia News/
ភ្នំពេញ (១ កក្កដា ២០១៩) ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអំពាវនាវឲ្យស្ថានីយ៍ទូរទស្សន៍ទាំងអស់នៅ ក្នុងប្រទេសកម្ពុជាត្រូវដាក់ឲ្យមានអ្នកបកប្រែព័ត៌មានសម្រាប់អ្នកពិការ គនិងថ្លង់ ដើម្បីឲ្យពួកគាត់ទទួលបានសិទ្ធិទទួលបានព័ត៌មានផងដែរ។
ការអំពាវនាវរបស់សម្តេចបានធ្វើឡើងនៅព្រឹកថ្ងៃទី០១ខែកក្កដានេះ ក្នុងពិធីផ្ទេរការគ្រប់គ្រងសាលាកុមារពិការភ្នែកនិងគថ្លង់នៃអង្គការគ្រួសារថ្មីឱ្យស្ថិតក្រោមការគ្រប់គ្រងរបស់ក្រសួងអប់រំ យុវជន និងកីឡា និងការដាក់ឲ្យដំណើរការវិទ្យាស្ថានជាតិអប់រំពិសេស។
សម្តេចតេជោ បន្តថា «ស្ថានីយ៍ទូរទស្សន៍ណាដែលមិនដាក់ឲ្យមានអ្នកបកប្រែភាសាគថ្លងគឺជាការកាត់សិទ្ធិនៃការទទួលបានព័ត៌មានរបស់ជនពិការនិងគថ្លង់ ។
សម្តេចបន្តថា សម្តេចនឹងពិនិត្យគ្រប់ទូរទស្សន៍ទាំងអស់ បើស្ថានីយ៍ទូរទស្សន៍ណាមិនដាក់អ្នកបកប្រែភាសាគថ្លង់ ហើយប្រាប់ថាខាតក្នុងការផ្សាយព័ត៌មាននោះសម្តេចនឹងចេញថ្លៃចំណាយលើការផ្សាយព័ត៌មានជំនួសធ្វើយ៉ាងណាដើម្បីឲ្យអ្នកពិការគថ្លង់ទទួលបាន ព័ត៌មានជាក់លាក់តាមរយៈទូរទស្សន៍ដែលមាននៅក្នុងប្រទេស៕
