បុរសជនជាតិស៊ុយអ៊ែតម្នាក់ដេកស្លាប់នៅក្នុងសណ្ឋាគារជារិទ្ធីហេង២
ភ្នំពេញ៖ កាលពីវេលាម៉ោង ៨និង៥០នាទីព្រឹក ថ្ងៃទី០៩ ខែមករា បុរសជាជនជាតិស៊ុយអ៊ែតម្នាក់ បានដេកស្លាប់នៅក្នុងបន្ទប់សណ្ឋាគារជារិទ្ធីហេង២ ដែលមានទីតាំងស្ថិតនៅតាមបណ្ដោយផ្លូវលេខ៦អារ ផ្ទះលេខ ១០៧ អាគារ២២៦ ភូមិគៀនឃ្លាំង សង្កាត់ព្រែលាប ខណ្ឌឬស្សីកែវ។
បុរសដែលបានដេកស្លាប់ក្នុងសណ្ឋគារខាងលើនេះ ជាជនជាតិស៊ុយ អ៊ែត ឈ្មោះ TORNBLOM LARSJORA អាយុ៦៥ឆ្នាំ ស្នាក់នៅក្នុងសណ្ឋាគារជារិទ្ធីហេង២ អស់រយៈពេលប្រហែលជា១ខែ។
បើតាមសំដីនារីដែលបានរស់នៅជាមួយបុរសខាងលើនេះ បានឲ្យដឹងថា មុនពេលកើតហេតុនាងបានគេងជាមួយបុរសជនជាតិស៊ុយ អ៊ែតដូចសព្វដង ប៉ុន្តែខណៈពេលដែលរូបនាងចូលបន្ទប់ទឹក លុះពេលចេញមកវិញ ស្រាប់តែឃើញគាត់ដេកស្លាប់បាត់តែម្តង។
បច្ចុប្បន្នសពរបស់ជនរងគ្រោះ កំពុងត្រូវសមត្ថកិច្ចធ្វើកោសល្យវិច្ច័យ និងត្រួតពិនិត្យ ៕
ដោយ៖ ហេង នាង
