ស្លាប់មនុស្ស៥នាក់ក្នុងហេតុការណ៍ឆេះក្លឹបកំសាន្តស្តារនៅខេត្តស្វាយរៀង
សារព័ត៌មាន Cambodia News/
ស្វាយរៀង (23 មីនា 2015 )៖ មនុស្ស ៥នាក់បានស្លាប់បាត់បង់ជីវិត ក្នុងហេតុការណ៍អគ្គិភ័យឆេះបន្ទប់ខារ៉ាអូខេ និងឌីស្កូ ក្នុងក្លឹបកំសាន្តស្តារ នៅវេលាម៉ោង៣និង២០នាទីទៀបភ្លឺ ថ្ងៃទី២៣ ខែមីនា។ ដោយហេតុការណ៍នេះបានកើតឡើងនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។
កងកម្លាំងសមត្ថកិច្ចចំរុះ និងរថយន្ដពន្លត់អគ្គិភ័យអស់ចំនួន ២គ្រឿង បានអន្ដរាគមន៍បាញ់ពន្លត់រួចរាល់ហើយ។រីឯការខូចខាតទ្រព្យសម្បត្តិអស់ប៉ុន្មាននោះ នៅមិនទាន់មានរបាយការណ៍នៅឡើយទេ។ព័ត៌មានលំអិតនឹងមានផ្សាយជូននៅពេលឆាប់ៗខាងមុខនេះ៕
