រដ្ឋាភិបាលថៃប្រកាសលុបបំបាត់ទេសចរណ៍ផ្លូវភេទ
សារព័ត៌មាន Cambodia News/
ថៃ (០៥ សីហា ២០១៦) ៖ អ្នកទេសចរផ្សេងៗ ដែលតែងតែធ្វើដំណើរកម្សាន្ដទៅប្រទេសថៃ ភាគច្រើនគឺពួកគាត់ចង់សាកល្បងនឹងជីវិតសប្បាយនាពេលរាត្រី របស់ប្រទេសនេះ ហើយអ្វីដែលពិសេសជាងគេនោះ គឺសេវាកម្មពេស្យាចារ ដែលគេគ្រប់គ្នាតែងតែល្បីថាទេសចរណ៍ផ្លូវភេទ។
នៅតាមផ្លូវពេលយប់ នារីរកស៊ីផ្លូវភេទនឹងចេញមកក្រៅដោយស្លៀកពាក់សម្លៀកបំពាក់ខើចលើខើចក្រោមបញ្ចេញសាច់សខ្ចី ដើម្បីទាក់ទាញភ្ញៀវទេសចរឲ្យទៅជាមួយនាង។
មិនតែប៉ុណ្ណោះ នារីខ្លះបានស្លៀកខើចលើខើចក្រោមដូចគ្នា តែនាងទៅរាំរែកលើឆាកក្នុងរង្គសាលផ្សេងៗ ដើម្បីកំដរអារម្មណ៍របស់ភ្ញៀវ ឲ្យភ្ញៀវទាំងនោះឲ្យលុយធីបជាដើម។
បើតាមការប៉ាន់ស្មាន នារីជាច្រើននៅក្នុងប្រទេសថៃ បានក្លាយជាទាសករផ្លូវភេទ ព្រោះតែដើម្បីជីវភាពផ្ទាល់ខ្លួន ហើយបើតាមការមើលទៅលើរបាយការណ៍ឆ្នាំ ២០១៤គឺមានប្រមាណជា ១២៣០០០នាក់ឯណោះ៕
