ការពិនិត្យអេកូ ប៉ះពាល់ដល់ ទារកក្នុងផ្ទៃ ឬទេ?
សារព័ត៌មាន Cambodia News/
សុខភាព (០៤ មេសា ២០១៤) ៖ នាពេលបច្ចុប្បន្ន ការប្រើអ៊ុលត្រាសោន (Ultra Sound) ឬការឆ្លុះអេកូ មានការវិវឌ្ឍន៍យ៉ាងខ្លាំង រហូត មកដល់ពេលនេះ វាក្លាយជាផ្នែកមួយនៃការពិនិត្យ ទារកក្នុងផ្ទៃថា ជាកូនភ្លោះ ឬធម្មតា អាយុរបស់គភ៌ ភេទទារក និងភាពខុសប្រក្រតីនានាថែមទៀត។
នារយៈពេលដំបូង រូបភាពដែលទទួលបានពីការ ឆ្លុះអេកូ គឺជារូបភាពដែលនៅនឹងមួយកន្លែង ក្រោយៗមក ក៏មានចលនា ហើយមើលឃើញកាន់តែច្បាស់ជាងមុន។ បច្ចុប្បន្ននេះ អ្នកអាចមើលឃើញចលនារបស់ទារក ក្នុងផ្ទៃបាន ដោយថតជាវីដេអូ ទុកមើលទៀតផង។
ត្រចៀក អាចឮសំឡេងដែលមានកម្រិត ២០- ២០.០០០ H2 ចំណែកកម្រិតសំឡេងដែលលើសពី ២០.០០០ H2 គឺជាសំឡេងដែលហៅថា អ៊ុលត្រាសោន ដែលត្រចៀកមនុស្សទូទៅ មិនអាចឮបានឡើយ។
អ៊ុលត្រាសោន មិនបានបង្កឱ្យមានផលប៉ះពាល់ ដល់ម្តាយ និងទារក នៅក្នុងផ្ទៃឡើយ តែក៏មិនគួរពិនិត្យ ញឹកញាប់ពេកដែរ បើមិនចាំបាច់។ ដើម្បីឱ្យប្រាកដ ក្នុងចិត្ត អ្នកគួរពិនិត្យផ្ទៃពោះ ដោយប្រើអ៊ុលត្រាសោន ឬឆ្លុះអេកូ ជាមួយគ្រូពេទ្យដែលអ្នកមានការទុកចិត្ត ដោយធ្វើការសាកសួរគ្រូពេទ្យជាមុនថា គួរឬមិនគួរធ្វើ? ហើយតើពេលណា ទើបអាចពិនិត្យបាន? ជាដើម។
