ចិនថ្កោលទោសការបង្ករឿងរបស់អាមេរិកនៅសមុទ្រចិនខាងត្បូង
សារព័ត៌មាន Cambodia News/
ចិន (០៦ មិថុនា ២០១៦) ៖ កាលពីថ្ងៃទី៥ ខែមិថុនា បានថ្កោលទោស “ការបង្ករឿង” របស់អាមេរិកនៅក្នុងសមុទ្រចិនខាងត្បូង និងបាននិយាយថា ខ្លួនមិនខ្លាច “ការទាស់ទែង” ជុំវិញជម្លោះទឹកដីជាមួយអ្នកជិតខាងនៅក្នុងសមុទ្រមួយនេះឡើយ។
ឧត្តមនាវីឯក ស៊ុន ជាំងគូ (Sun Jianguo) បានប្រាប់សន្និសីទកំពូលសន្តិសុខមួយនៅសិង្ហបុរីថា “បញ្ហាសមុទ្រខាងត្បូងបានក្លាយជាក្តៅខ្លាំងហួសប្រមាណ ដោយសារតែការបង្ករឿងរបស់ប្រទេសខ្លះសម្រាប់តែផលប្រយោជន៍អាត្មានិយមផ្ទាល់ខ្លួន”។
លោកស៊ុន ដែលសង្កត់ធ្ងន់អំពីបំណងប្រាថ្នារបស់ចិនសម្រាប់ដំណោះស្រាយជម្លោះដោយសន្តិវិធី បាននិយាយបែបនេះ តែមួយថ្ងៃប៉ុណ្ណោះបន្ទាប់ពីរដ្ឋមន្ត្រីក្រសួងការពារជាតិអាមេរិក លោក អាសន្តុន ខាធឺ បានព្រមានថា ការសាងសង់របស់ចិននៅកោះមួយក្នុងសមុទ្រចិនខាងត្បូងដែលអះអាងសិទ្ធិកាន់កាប់ដោយហ្វីលីពីនអាចញ៉ាំងឱ្យមាន “ចំណាត់ការ” មិនបញ្ជាក់ជាមុនពីសហរដ្ឋអាមេរិក និង ប្រទេសផ្សេងទៀត។
លោកស៊ុនបាននិយាយថា “ចិនប្រឆាំងដាច់ខាតចំពោះឥរិយាបថបែបនេះ។ យើងមិនបានបង្កបញ្ហា ប៉ុន្តែយើងមិនខ្លាចការទាស់ទែងនោះឡើយ”៕
