ពលរដ្ឋចិនចូលចិត្ដអាហារពីអូស្រ្ដាលី
វ៉ិបសាយថ៍ Alibaba ដែលជាវ៉ិបសាយថ៍ពាណិជ្ជកម្មតាមអ៊ីនធើរណិតដ៏ធំជាងគេក្នុងពិភពលោក និយាយថា ផលិតផលអាហារអូស្រ្ដាលី គឺមានការធ្វើពាណិជ្ជកម្មខ្លាំងក្លានៅក្នុងប្រទេសចិន។
វ៉ិបសាយថ៍ Alibaba និយាយថា នៅក្នុងប្រទេសចិន មានពលរដ្ឋ៤០លាននាក់ទិញទំនិញជាប្រចាំតាមអ៊ីនធើរណិត ហើយតួលេខនេះនឹងកើនឡើង២៥% ថែមទៀតនៅឆ្នាំនេះ។
ក្រុមហ៊ុន Alibaba របស់ចិននិយាយថា ផ្នែកទំនិញអាហារគឺជាផ្នែកមួយដែលមានការរីកចម្រើនខ្លាំង ហើយគេដឹងថា អតិថិជនចង់បានផលិតផលស្អាតល្អពីប្រទេសអូស្រ្ដាលី។
លោក Lu Hong Sun ទីប្រឹក្សាជាន់ខ្ពស់នៃក្រុមហ៊ុន Alibaba គឺជាសមាជិកម្នាក់នៃគណៈប្រតិភូចិនដែលកំពុងបំពេញទស្សនកិច្ចនៅ ក្នុងប្រទេសអូស្រ្ដាលីដើម្បីពិភាក្សាលើកិច្ចព្រមព្រៀងពាណិជ្ជកម្ម ៕ (Radio Australia)