នូវែលហ្សេឡង់អះអាងថាគ្មានហានិភ័យផលិតផលទឹកដោះគោដូចការបារម្ភនោះទេ
រដ្ឋាភិបាលនៃប្រទេសនូវែលហ្សេឡង់ និយាយថា ផលិតផលធ្វើពីទឹកដោះគោដែលបានធ្វើឲ្យពិភពលោកមានការភ័យខ្លាច កាលពីដើមខែសីហានេះ មិនដែលមានផ្ទុកមេរោគបង្កឡើងដោយអាហារខូចគុណភាពនោះទេ។
ក្រសួង ទទួលបន្ទុកឧស្សាហកម្មវត្ថុធាតុដើមរបស់ប្រទេសនេះ និយាយថា លទ្ធផលនៃការធ្វើតេស្តនានាទៅលើផលិតផលសង្ស័យរបស់ក្រុមហ៊ុនដ៏ ធំដែលមានឈ្មោះ Fonterra នោះ បង្ហាញឲ្យឃើញនូវអ្វីផ្សេងដែលមិនអាចបង្កបញ្ហាសុខភាពដូចការ បារម្ភនោះទេ។
គួររំលឹកថាកាលពីដើមខែនេះ ក្រុមហ៊ុន Fonterra ដែលបានស្នើសុំការបញ្ឈប់ដោះដូរទំនិញនោះ បានទទូចសុំជាបន្ទាន់ឲ្យមានការបង្ហាញលទ្ធផលនៃការធ្វើតេស្ត ដើម្បីទប់ទល់នឹងពាក្យចចាមអារ៉ាមគ្មានភស្ដុតាងនៅតាមទីផ្សារ។
ប្រទេស មួយចំនួនដូចជា ចិន រុស្ស៊ី និងស្រីលង្កា សុទ្ធតែបានដាក់បម្រាមបណ្ដោះអាសន្នទៅលើការនាំចូលផលិតផលមួយចំនួន និងប្រទេសខ្លះហាមទាំងស្រុងពីក្រុមហ៊ុន Fonterra ។ ចំណែកឯប្រទេសដទៃទៀតក៏បានរឹតបន្ដឹងការត្រួតពិនិត្យផលិតផលរបស់ ក្រុមហ៊ុនមួយនេះដែរ៕ (Radio Australia)
